ب وێنه ببینه مێسى پشته‌ڤانێن ئه‌رژه‌نتین بێ ئومێد كرن
ئه‌ڤرۆ نیوز، زنار زوبێر:
د ئه‌نجامه‌كێ نه چاڤه‌رێ كرى دا هه‌لبژارتیێ ئه‌رژه‌نتین نه‌شیا سه‌ركه‌فتنێ تومار بكه‌ت لسه‌ر هه‌لبژارتیێ ئایسله‌ندا پشتى وه‌كهه‌ڤ بوین ب گۆله‌كێ د دیاریێن گه‌را ئێكێ دا ژ كوما چارێ ب ڤى ئه‌نجامى ئه‌رژه‌نتین پشته‌ڤانێن خوه بێ ئومێد كرن.
د نیڤا ئێكێ دا هه‌ر زیكا ئه‌رژه‌نتین شیا گۆله‌كێ ب رێكا سێرجیو ئه‌گوێرو توماربكه‌ت ل ده‌قیقه‌یا 19 ژ یاریێ لێ پشتى بورینا پێنج ده‌قیقه‌یان ئایسله‌ندا شیا گۆلا وه‌كهه‌ڤیێ توماربكه‌ت ب رێكا فینبوكاسون و نیڤا ئێكێ ب وه‌كهه‌ڤى ب دوماهى هات.
د نیڤا دویێ دا ئه‌رژه‌نتین هه‌مى بزاڤ كرن بۆ توماركرنا گۆله‌كێ لێ هه‌مى بزاڤێن وان بێ مفا بون و ل ده‌قیقه‌یا 64 لیونێل مێسى نه‌شا مفاى ژ په‌نه‌لتیه‌كێ وه‌رگریت ده‌مێ گۆلچیێ ئایسله‌ندا ئه‌ندرسون ته‌پا وى دوربێخیت و سه‌ره‌راى كونترولا ئه‌رژه‌نتین لێ ئه‌ڤ چه‌نده تێرا وێ چه‌ندێ نه‌كر بشێن گۆلا دویێ و سه‌ركه‌فتنێ توماربكه‌ن و یارى وه‌ك خوه ما وه‌كهه‌ڤ ب گۆله‌كێ و هه‌ر تیمه‌كێ خاله‌ك ب ده‌ستخوه ڤه ئینا.
