ب وێنه – گرۆپه‌كێ چیایێ سلێمانیێ سه‌را ژینگه‌ها بارزان كر
ئه‌ڤرۆ نیوز ، نه‌وزاد هلۆرى:
بو ئێكه‌مین جار گرۆپه‌كێ چیایى ل سلێمانیێ ژ نێزیك سه‌ره‌دانا ژینگه و سرۆشتێ ده‌ڤه‌را بارزان كر و پێشتر پێزانینێن شاش لسه‌ر ژینگه‌ها بارزان وه‌رگرتبوون.
ئه‌نوه‌ر دوله‌مه‌رى سه‌رۆكێ ناڤه‌ندا بارزان بو ژینگه‌پارێزى و چیایى بو ئه‌ڤرۆ نیوز گۆت: ( بو ئێكه‌مین جار گرۆپه‌كێ چیایێ سلێمانیێ ژ نێزیك سه‌ه‌ردانا ده‌ڤه‌را بارزانكر ب مه‌ره‌ما گه‌ریان دناڤا سرۆشت و ژینگه‌ه و چیایێن ده‌ڤه‌را بارزان و مه ژى پێشوازیا وان كر و هه‌مو ئاسانكارى بو كرن)
زێده‌تر گۆت: ( ئه‌و گرۆپێ چیایى پێكهاتبوون ژ 50 كوچ و كوران و ئه‌م ژى پێكهاتبوین ژ 20 كچ و كوران و مه پێكڤه سه‌ره‌دانا گه‌لیێ زوره‌گڤان و دالاش كر و دیكیومێنت و فوتو و زانیارى لسه‌ر ژینگه‌هێ درۆستكرن)
ل گوره‌ى ئاخفتنێن دوله‌كه‌رى ئه‌وى گرۆپێ چیایێ سلێمانیێ پێشتر پێزانین لسه‌ر ژینگه‌ها ده‌ڤه‌را بارزان شاش وه‌رگرتبوون و گۆت ژى: ( ئه‌وى گروپى هزر دكر كو چوو كه‌سان ماف نینه ده‌رڤه‌یێ بارزان سه‌ره‌دانا ژینگه‌ها بارزان بكه‌ن ، به‌لێ پشتى كو ئه‌وان ژ نێزیك سه‌ه‌ردان بو كرى و ل چوو زالگه‌هان ژى پشكنین بو نه‌هاتینه‌كرن بو وان روون بوو كو ده‌ڤه‌را بارزان رێزه‌كا زور ل مروڤ و بوچونێن جودا و ژینگه‌ها دارستان و كوڤیان دگریت و به‌رهه‌ڤن بو هه‌موو ئاسانكاریان)
