ب وێنه – بو دەما 40 رۆژان ئەڤ شکەفتا سنوورىێ ئامێديێ جەمەدێ چێدکەت

ئەڤرۆ نیوز ، نەوزاد ھلۆری:
ل ھەرێما کوردستانێ چەند تشتەکێن جودا ھەیە و بونە جھێ سەرنجراکێشانا خەلکی و سالانە ھژمارکا زورا خەلکی ب مەرەمێن جودا قەست دکەنێ ، شکەفتەک ل دەڤەرا بەرێ گارێ ھەیە بو دەما ٤٠ روژان ل وەرزی َھاڤینێ جەمەدێ چێدکەت.
محەمەد بەرگارەی وەلاتیەکێ دەڤەرا بەرێ گارێ یە بۆ ئەڤرۆ نیوز گۆت: ( شکەفتەک ل گوندێ گیزێ یا سەر ب دەڤەرا بەرێ گارێ ھەیە بو دەما ٤٠ روژان ل وەرزێ ھاڤینێ جەمەدێ چێدکەت و رۆژانە چەندین کەس ب مەرەمێن گەشتوگوزار و سەرەدان قەست دکەنێ)
زێدەتر گۆت: ( دناڤا شکەفتێ دا پیچکەک تاریە و گەلەک ژی بەرفرەە نینە و جەمەد ژی لسەر رەخ و روویێن شکەفتێ درۆست دبیت ، بەلێ د بو دەما ٤٠ روژان بتنێ ، و دیسان دەما دبیتە زستان ژی بو دەما ٤٠ روژان شکەفت گەلەک یا گەرمە و دکەڤن دا خەلکێ دەڤەرێ ئەو شکەفت بو مەرەمێن ساکرنا ئاڤێ و ھون کرنا گیانێ خوە بکاردئینا)
شکەفت ب دوراتیا نێزیکێ ١٥کم دکەڤیتە باکوورێ رۆژھەلاتێ قەزا ئامێدیێ و رێیا ترۆمبێلێ ژی ناگەھیتێ دکەڤیتە زنجیرە چیا گارە ل گوندێ گیزێ.

کۆمێنتا تە