ب وێنە : دھوکیەکی یانەکا سویدی کری
ئەڤرۆ نیوز، ھەژار مەعروف
پشتی ل ماوێ بوری شاندەکێ یانا دالکورد یا سویدی ب سەرپەرشتیا سەروکێ وێ یانێ سەردانا ھەرێما کوردستانێ کری بۆ ب دەستڤە ئینانا سپونسەرەکی بۆ یانێ ژبوو باشکرنا بارێ دارایێ یێ یانێ بۆ وەرزێ بھێت ژبەرکو ئەرکێ وان دێ ل سالا بھێت یێ ب زحمەت بیت پشتی ژ خۆلا پلا دو سەرکەفتی بۆ خۆلا پلا ئێک یا سوید و دەولەمەندەکێ دھۆکێ شیا رێژەکا مەزن ژ وێ یانێ بکریت .
خودانێ کومپانیێن نەوروز تیلکوم ل ھەرێما کوردستانێ کاوە عەبدوللا د داخویانیەکا تایبەت دا بۆ ئەڤرۆ نیوز دیارکر ئەوی رێژەیا فروتنا یانا دالكورد ھەمی کری ئەوا ژلایێ حکومەتێ ڤە ھاتیە دیارکرن ژبەرکو د یاسایا یانێن خولا سوید دا یانێ ماڤ ھەیە ٤٩% ب فروشیت و ٥١% کەسێ ماڤ نینە یانێ بکریت و ئەوی رێژەیا ٤٩% ژ یانا دالکورد کری.
ناڤبری زێدەتر دیارکر کرینا ڤێ یانێ ژی ئەوە وەکو پشتەڤانی بۆ ناڤێ ڤێ یانێ ژبەرکو نوونەریا ناڤێ کوردستانێ دکەت د خولا سوید دا ئارمانجا وی ژی ئەوە بشێت ب رێکا ڤێ یانێ ناڤێ کوردستانێ بلندتر لێ بکەت و ئالایێ ھەرێما کوردستانێ د قارەمانیێن ئورۆپی دا بینت.
ھەژی گوتنێ یە کاوە عەبدوللا ھەمان کەسا پشتەڤانیا یانا گارە یا پارێزگەھا دھۆکێ ژی کەت ئەوا پشکدار دخۆلا پلا نایاب یا کوردستانێ دا و ل وەرزێ بوری وەرە پشتەڤانیا وێ یانێ کەت
سەروکێ یانا دالکورد رەمەزان ل گەل کاوە عەبدوللا و برایێ کاوەی ل دەمێ رونشتنەکێ ل باژێرێ ھەولێرێ
سەروکێ یانا دالکورد ل گەل شاندێ یانا دالکورد ل ئوفیسا کومپانیا نەوروز تیلکوم یا خودانێ وێ کاوە عەبدوللا
یانا دالکورد یانەکا کوردی یە دخولا سوید دا یاریێ کەت و ل وەرزێ ئەڤ سالە سەرکەفت بۆ ژ خۆلا پلا دو بۆ خۆلا پلا ئێک یا سوید
ڤێ یانێ ھژمارەکا مەزن یا حەژێکەرێن خوە ھەنە ل وەلاتێ سوید و تایبەت یێن کورد ل ھەر چار پارچێن کوردستانێ ژبەرکو لوگویێ ڤێ یانێ ئالایێ کوردستانێ یە
