ب وێنە -دەست ب ئەرشیفکرنا داوەت و موزیکا ئەڤێ دەڤەرێ ھاتەکرن
ئەڤرو نیوز ، نەوزاد ھلۆری:
تیپەکا ھونەری ل دەڤەرا بارزان ب ھەڤکاریا ئەنستتیوتا کەلەپوری ل دھوکێ دەست ب تومارکرن و دیکیومێنتکرنا داوەت و موزیکا رەسەنا کوردی ل دەڤەرا بارزان کر.
دڤی واریدا رێبەر بارزانی سەروکێ تیپا کانی بووت یا ھونەری بۆ ئەڤرۆ نیوز گۆت: (مە وەکو تیپا کانی بووت یا ھونەری ب ھەڤکاریا ئەنستتیوتا کەلەپوری ل دھوکێ دەست ب وێنە و تومارکرنا چەند داوەت و شەھیانێن کەلتوریێن کوردی ل سنوورێ دەڤەرا بارزان کرن داکو بھێنە ئەرشیف و دیکیومێنتکرن و نەھێنە ژ بیرکرن ، و ژلایەکێ دنڤە جیلێ نوو بزانن ئەو داوەت چەوا ھاتینەکرن و ناڤێت وان چ نە)
زێدەتر گۆت: (ھەتا نھا مە شیایە چەند داوەتان دناڤ سرۆشت و دیمەنێن دەڤەرا بارزان دا وێنە و ڤیدیو و ریکورد بکەین و لسەر پرۆژێ خوە دێ بەردەوام بیت و مە ل بەرە پشکەکا زور یا داوەتا دچارچوڤێ پرۆژێ خوە دا ئەرشیف بکەین)
رێبەری دیارکر ژی کو تیپا کانی بووت تیپەکا ھونەری یە و د بوری دا چەندین چالاکیێن ھونەری و کەلتووری و ھەمەرەنگ ئەنجام دایە و د درێژاھیا ئاخفتنێن خودا گۆت ژی: (د چارچوڤێ ئەڤی پرۆژەی دا زێدەباری ئەرشیف و دیکیومێنتکرنا داوەتێن کەلتوری د ھەمان دەم دا دێ موزیکا دەڤەرێ ژی ھێتە ئەرشیفکرن ب تایبەتی بلول و دوزەلە کو نھا بوینە کەلتور و موزیکەکا تایبەت ب دەڤەرا بارزان ڤە)
