ب وێنە: کوردەک ھەڤرکیا ئیبراھیموڤیج دکەت بۆ باشترینێ سوید
ئەڤرۆ نیوز،سەرکەفت رەشید:
یاریکەرەکێ کورد د ماوێ ٢٠ رۆژان دا شیا دو دەستکەڤتێن مەزن ل سەر ئاستێ وەلاتێ سوید ب دەستخوڤە بینت و د ماوەکێ کێم دا شیا جھێ خوە د پێکھاتیێ سوید یێ ئێکێ دا بینت پشتی ل سەر کیستی چەندین یاریکەرێن بەرنیاس شیا رێزا ئێکێ ب دەستخوڤە بینت د دو قارەمانیێن ژێک جودا جودا.
یاریکەرێ کورد یێ دھێتە بەرنیاس ب ناڤێ رێدیر نێروەی د پشکداریا خوە یا ئێکێ دا ل گەل ھەلبژارتیێ سوید ب مەدالیا قارەمانیا سویدەن گراند پریسیک یا یاریا مەنس فیزیک دا ھاتە خەلاتکرن و شیا میدالیا زێری ژی ب دەستخوڤە بینیت پشتی وێ ب ١٠ روژان بەر ب وەلاتێ وەلاتێ ئیسپانیا ڤە چو بۆ ل وێرێ ژی ل رێکەفتی ٧-٥-٢٠١٦ ل باژێرێ سەنتا سوزانا پشکداری دقارەمانیا ئیروپیەن بەدی بولدینگ و فیتنس جون ئیدر ئەند ماستەر شەمپیون دا کر کو ئەڤە دبیتە مەزنترین قارەمانی ژلایێ ئێکەتیا EBFF دەولەتی یا یاریا لەش جوانیێ و یاریا لەش سڤکیێ ڤە دھیتە ڤەکرن کو ١٥٠٠ یاریکەران ژ ٤٠ وەلاتان پتر پشکداری دڤێ قارەمانیێ دا کربوو.
یاریکەرێ کورد شیا ھەڤرکیا ھزار یاریکەران بکەت ل سەر کێشەیا خوە کو ھەڤرکیا ئەوان یاریکەران کر ئەوێن شارازیەکا باش دڤێ قارەمانیێ دا ھەی و درێژایا ئەوان ژ یاریکەر رێدیر بلندتر لێ ئەڤ چەندە نەبوو ئاستەنگ د رێیا یاریکەرێ کورد دا و شیا ب مەدالیا زێری و رێزا ئێکێ ب دەستخوڤە ئینا کو ئەڤە دبیتە قارەمانیا دووێ د دەمێ ٢٠ روژان دا رێدیر نێروەی شێت ب دەست خوڤە بینت.
ل دور ئەڤان ھەردو دەستکەفتیان ل سەر ئاستێ ئورۆپا یاریکەرێ قارەمانێ کورد و ئورۆپا رێدیر نێروەی د دیدارەکا تایبەت دا بۆ ئەڤرۆ نیوز دیارکر ئەڤان ھەردو دەستکەفتیان دکەتە دیاری بۆ ھەمی دەیکێن شەھیدان ل کوردستانێ و بۆ ئەوان پێشمەرگەیێ قارەمان ل سەرنگەرێن بەرەڤانیکرنێ ژ ئاخا پیروزا کوردستانێ .
ھەردیسان ناڤبری ئاماژە ب وێ چەندێ ژی کر دایک و بابێ وی پشتەڤانێن وی یێن سەرەکی بوون ھەر ئەو بوون ھەتا ئەو ب گەھیتە ڤی ئاستی نوکە وەکو قارەمانێ ئورۆپا و سوید بیت و ئەو چو جاران نەشێت وێ پشتەڤانیا دەیک و بابێ خوە ژبیر بکەت ژبەرکو ئەگەر ئەو نەبا ئەو نوکە نەت گەھشتە ڤی ئاستی.
ژلایێ خوڤە دایکا قارەمانێ کورد رێدیر بۆ ئەڤرۆ نیوز دیارکر ھەر ژ زاروکینیا خوە وەرە رێدیر حەزا ڤێ یاریێ ھەبوو
ھەردیسان گوت دخوازم چو دایک و باب نەبنە رێگر د رێیا کورێن خوە دا ئەوێن حەزا وەرزشێ ھەبیت ژبەرکو ئەز وەک دەیکەک گەلەک ئاستنەک کەتنە درێیا من دا بەرامبەر وەرزشا کورێ من بەلێ من ھەمی ئاستەنگ دەربازکرن پێ خەمەت وێ چەندی کورێ من بگەھیتە ئارمانجا خوە و سوپاس بو خودێ ئەڤرو کورێ من ب ناڤێ قارەمان ل وەلاتەکێ ئەوروپی دھێتە نیاسین و ب ھیڤیا وێ چەندی مە روژەکێ ژ روژان رێدیر بناڤێ وەلاتێ کوردستانێ دەستکەفتان ب دەست خو بینیت ، ھەردیسان بابێ رێدیری کو نوکە ل باژێرێ دھوکێ یە دبێژیت رێدیر وەک پێشمەرگەیەکا ل ئەوروپا پێ خەمەت ناڤێ نەتەوایەتیا کورد و کوردستانێ بەردەمیێ دەتە وەرزشا خو و ب ھیڤیا وێ چەندێ مە ل کوردستانێ گرنگی ب وەرزشا رێدیری بھێتە دان ژبەرکو ھەتا نوکە من وەرزشا لەش سڤکیێ ل کوردستانێ من نە دیتی یە.
رێدیر یێ ٢٣ سالی کورێ باژێرێ دھۆکێ یە بۆ جارا سیێ یە ب مەدالیا زێری دھێتە خەلاتکرن ئەڤە ژی دبیتە باشترین ئەنجام د ژیێ خوە یێ ٢٣ سالی دا ل سەر ئاستێ سوید ب دەستخوڤە ئینت کو نوکە وەکو وەرزشڤانەکێ وەلاتێ سوید ھەڤرکیا ئیبراھیموڤیج کەت ل سەر ناسناڤێ باشترینێ سوید بۆ ڤێ سالێ.
