ب وێنە: کچەکا کورد د لیستەیا باشترین یاریکەرێن جیھانێ و ئاسیا دا يه
ئەڤرۆ نیوز،ھەژار مەعروف:
کچا کورد و یاریکەرا ھەلبژارتیێ عیراقێ ب یاریا پایسکلان زریان عەتار پشتی ل ماوێ بوری شێیای چەندین ئەنجامێن دی ل سەر ئاستێ نافخوی و ئاسیا ب دەستخوڤە بینت و پێشڤە ھاتە رێزەیەکا باش د لیستەیا باشترین یاریکەرێن کچ ل جیھانی کو ژ سەرجەمێ ٢٢٨ یاریکەرێن پیشەکار د قارەمانیێن نیڤدەولی دا ،پێشڤە ھاتە رێزا ٣٧ ل جیھانێ و رێزا سیێ ل سەر کێشوارێ ئاسیا و رێزا ئێکێ ل عیراقێ کو بەری نوکە چو یاریکەرێن کچ ل سەر ئاستێ عیراقێ نەشیابوو ب گەھیتە ڤێ لیستەیێ.
زریان عەتار قادر کچا باژێرێ سلێمانیێ د داخویانیەکێ دا بۆ ئەڤرۆ نیوز دیارکر پشتی ڤی دەنگوباسی ئەو گەلەک یا کەیفخوش بوو ژبەرکو دبینت پێشڤەچوونا وێ بۆ رێزا سیێ ل ئاسیا و ٣٧ ل جیھانێ ژ دەستڤالەیی نە ھاتیە ئەو ھەمی بوو ماندی بوونا راھێنەر و ئەو کەسێن پشتەڤانیا وێ کری و ھەردیسان چوونا وێ بۆ ڤێ رێزێ ل جھیھانێ دبیتە پالدەرەکێ دی ئەو پتر خوە ماندی بکەت و بۆ رێزێن باشتر د لیستەیا باشترین یاریکەرێن کچ یێن جیھانێ ڤە بچیت و خەونا وێ ئەوە بشێت بیتە یا ئێکێ ل ئاسیا و رێزێن دەستپێکێ ل جیھانێ ب دەستخوڤە بینت.
ھەژی گوتنێ یە دو یاریکەرێن ژاپونی یێن کچ ل بەریا یاریکەرا کورد زریان دھێن ل سەر ئاستێ ئاسیا .
