ب پشكداریا 48 مامۆستایان پیشانگەهەك ل دهۆكێ هاتە ڤەكرن
سالار محەمەد دۆسكی:
ب پشكداری یا 48 مامۆستایێن هونەری ل سنوورێ پەروەردێن پارێزگەها دهۆكێ، ب بەرهەڤبوونا د. ئالان حەمە سەعید، وەزیرێ پەروەردێ و عەلی عەونی، بەرپرسێ لقێ ئێك یێ پارتی دیموكراتی كوردستان و رێڤەبەرێ گشتیێ پەروەردێ و چەندین كەسایەتیێن دەڤەرێ دوهی 3/6/2023 گەرا سێیێ یا گەلەریا چالاكیێن قوتابخانان هاتە ڤەكرن.
بێوار بداغ، بەرپرسێ چالاكیێن قوتابخانان ل پارێزگەها دهۆكێ بۆ رۆژناما ئەڤرۆ ئاشكرا كر، گەرا سێیێ یا گەلەریێ ب پشكداری یا 48 مامۆستان ل سنورێ هەمی پەروەردێن پارێزگەها دهۆكێ هاتە ڤەكرن، هەمی مامۆستایێن پشكدار د ئازادبوون د نیشادانا كەڤالێن خوە دا و گۆت: «مەرەما ڤەكرنا ڤێ گەلەریێ زێدەتر هاندانا مامۆستانە و زێدەتر شیانێن وان بهێنە دیاركرن».
شێروان قەسیم، مامۆستایێ ئامادەیا شالین یا كچان و پشكدارێ گەلەریێ بۆ ئەڤرۆ گۆت: «كەڤالێ من دۆرهێلی یە و من زێدەتر جوانی بكارئینایە، ئەز داخواز دكەم سالانە ئەڤ كارە بهێتە كرن، چونكی ب ڤێ گەلەریێ مامۆستا مفای ژ شیانێن ئێك و دو وەردگرن و بزاڤ دهێتە كرن پتر خوە پێش بێخین».
