ب پشككێشانێ حەفت هزار پارچەیێن ئەردی ل زاخـۆ هاتنە بەلاڤكرن
زاخۆ، دلۆڤان هالۆ:
یونس محەمەد، سەرۆكێ باژێڕڤانیا زاخۆ بۆ ڕۆژناما ئەڤرۆ دیاركر كو دوهی 10/5/2026 ب ئامادەبوونا گوهدار شێخۆ، سەرپەرشتێ ئیدارەیا سەربخوە یا زاخۆ، مشیر محەمەد، دەڤەردارێ زاخۆ، پڕۆسەیا پشككێشان و بەلاڤكرنا حەفت هزار پارچەیێن ئەردی یێن فەرمانبەر و پێشمەرگەیان ل سنۆرێ ئیدارەیا سەربخوە یا زاخۆ هاتە ئەنجامدان.
سەرۆكێ باژێڕڤانیا زاخۆ گۆت: «ئەڤ پڕۆسەیە ب زەلالی و ل دووڤ رێنومایێن حكومەتا هەرێما كوردستانێ هاتە ئەنجامدان، ئارمانجا سەرەكی یا ڤێ پێنگاڤێ دابینكرنا مافێن فەرمانبەران و باشتركرنا بارێ وان یێ ژیانێ یە، و خزمەتكرنا فەرمانبەران ئەركەكێ نیشتمانی یە و ئیدارەیا سەربخوە یا زاخۆ هەموو شیانێن خوە بكار دئینیت، دا كو ئەڤ پرۆسەیە ب سەركەفتیانە ب دووماهی بهێت».
گۆت ژی: «ل دووڤ بڕیارا مەسرور بارزانی، سەرۆكێ حوكمەتا هەرێما كوردستانێ، هەر فەرمانبەرەكی هەشت سال خزمەت هەبن، پارچەیا ئەردی دێ وەرگریت».
