ب گوژمێ نێزیكی سێ ملیار دیناران جادە ل زاخۆ دێ هێنە قێركرن
زاخۆ، دلۆڤان هالۆ:
یونس محەمەد، سەرۆكێ باژێڕڤانیا زاخۆ بۆ ڕۆژناما ئەڤرۆ دیاركر كو ب گوژمێ دو ملیار و 752 ملیۆن دیناران جادەیێن تاخێ گولان ل ئیدارەیا سەربخوە یا زاخۆ دێ هێنە قێركرن، زێدەباری دروستكرنا سۆلینێن ئاڤڕێژ و دیوارێن كۆنكریتی.
سەرۆكێ باژێڕڤانیا زاخۆ گۆت: «26 جاددەیێن تاخێ گولان ب درێژاهیا چار كیلۆمەتران دێ هێنە قێركرن، دیسا ب درێژاهیا دو كیلۆمەتران سۆلینێن ئاڤڕێژ و 500 مەترێن دیوارێن كۆنكریتی دێ لێ هێنە دروستكرن، هەتا نوكە ب ڕێژەیا 52% كار ل سەر هاتیەكرن».
گۆت ژی: «سەرۆكاتیا باژێرڤانیا زاخۆ ب ڕژدی كار دكەت ژ بۆ گەهاندنا خزمەتگوزاریان بۆ هەموو تاخ و دەڤەران، و دابینكرنا ژینگەهەكا گونجایی و پێشكەفتی بۆ وەلاتیێن دەڤەرێ».
