ب گوژمێ 14 ملیار دیناران پڕۆژە ل ناوچەداریا خانكێ هاتینە بجهئینان
دهۆك، لەزگین جۆقی:
پشتی چار سالان ژ بڕیارا سەرۆكێ حكومەتا هەرێما كوردستانێ بۆ ناحیبوونا خانكێ هەتا نوكە ب گوژمێ 14 ملیار و 500 ملیۆن دیناران پڕۆژە هاتینە چێكرن.
زەردەشت شێخ شامۆ، رێڤەبەرێ ناوچەداریا خانكێ دیاركر كو ب گوژمێ پتر ژ 14 ملیار دیناران پڕۆژە هاتینە چێكرن و چەندین دام و دەزگەهێن خزمەتگوزاری هاتینە ڤەكرن و ئاڤەدانی ل خانكێ یا بەردەوامە و گۆت: «د پلانا مە دایە جادەیا خانكێ هەتا دگەهیتە دەڤەرداریا سێمێلێ ب باشترین شێوە بهێتە چێكرن و ببیتە جۆتساید».
گۆت ژی: «د وارێ جادەیان دا گرنگیەكا مەزن ب ناوچەداریا خانكێ هاتیەدان، هەروەسا ئاڕێشەیا ئاڤا ڤەخوارنێ چارەبوویە، دەمێ خانكێ ژ كۆمەلگەهێ بوویە ناوچەداری، ئارمانجا حكومەتا هەرێما كوردستانێ خزمەتكرنا خەلكێ دەڤەری بوو، نوكە د وارێ خزمەتگوزاری دا گەلەك خانكێ یا هاتیە گوهارتن و پێشڤەچوونێن مەزن بخۆڤە دیتینە».
