تاخێ كه‌رامه ل مووسل ژ ده‌ستێن داعشێ هاته ئازادكرن
ئه‌ڤرۆ نیۆز:
چالكڤان و رۆژنامه‌ڤانێن باژێرێ مووسل راگه‌هاندن، گرۆپه‌كێ چه‌كدار پشتى شه‌رۆپێكدادانان ل تاخێ كه‌رامه ل ناڤه‌ندا باژێرێ مووسل شیان چه‌كدارێن تیرۆریێن داعشێ ل وى تاخێ ده‌ربێخن و ب ته‌مامى تاخێ كه‌رامه هاته كونترۆلكرن.
ژێده‌ران بۆ ئاژانسا شه‌فه‌ق نیۆز گۆت: شه‌رۆپێكدادانێن دژوار سپێده‌یا ئه‌ڤرۆ ل تاخێ كه‌رامه د ناڤبه‌را چه‌كدارێن نه‌به‌رنیاس و چه‌كدارێن داعشێ په‌یدابوون، هه‌روه‌سا دیاركر، گرۆپێ چه‌كدارى پشتى ده‌مه‌كێ كێم شیان تاخێ ناڤبرى كونترۆل بكه‌ن و داعشى ره‌ڤه‌ین..
ژێده‌رێن چالاكڤان و رۆژنامه‌ڤانێن مووسل خویاكرن، گرۆپێ چه‌كدار ناڤێ خوه دانایه ئه‌فسه‌رێن ئازاد كو ل ڤێ دووماهیێ ل مووسل په‌یدابووینه و بكارێن كوشتن و ره‌ڤاندنا چه‌كدارێن داعشێ رادبن.
