توركيا گونده‌كێ ناحیا سنونێ بوردومان کر
ئەڤرۆ نیوز،عەلی حاجی :
ئەڤرۆ ل روژا دوو شەمبێ رێکەڤتی ١١/٤/٢٠١٩ ل نێزیکی دەمژمێر ٣:٠٠ێ پشتی نیڤرۆ ژ ئەگەرێ بوردومانا فروکەیێن سوپایێ تورکیا بۆ سەر بارەگایەکێ هێزێن یەپەژێ یا سەر ب پارتیا کرێکارێن کوردستانێ ل گوندێ خانەسورێ ل ناحیا سنونێ هەژمارەکا زور یا چەکدارێن وێ هێزێ بریندار بون.
ژێدەرەکێ تایبەت ژ گوندێ خانەسورێ بۆ ئەڤرۆ نیوز دیار کر ئەو بوردومانە ژلایێ فروکەیێن سوپایێ تورکیا ڤە بون بۆ سەر بارەگایەکێ هێزێن یەپەژێ ڤە ل گوندێ خانەسورێ و ژئەگەرێ وێ بوردومانێ ٤٠ چەکدارێن هێزا یەپەژێ بریندار بوون ئێک ژ وان برینداران بەرپرسێ وێ هێزێ بوو ل قەزا شنگالێ کو برینا وی یا کوورە و ئەڤە ئێکەم جاره بارەگایەکێ وێ حزبێ ب ڤی رەنگی ل وی گوندی دهێتە بوردومان کرن.
