تورکیا بەرسڤا گەفێن ترامپی ددەت
ئەڤرۆ نیوز:
مەولوود چاڤوش ئوگلۆ وەزیرێ دەرڤە یێ تورکیا بەرسڤا گەفێن ترامپی ل دۆر وێرانکرنا ئابوورێ تورکیا دا و دیار کر کو ئەمریکا هەڤپەیمانا مە یا مەزنە ل دەڤەرێ و ئەم ب داخۆیانیێن وەسا هەلویستێن جودا نیشا نادەین و گۆت: (سزایێن ئابووری یێن کو ترامپ بەحسێ وان دکەت چو کارتێکرنا خوە ل تورکیا ناکەت، بەری نها ژی ترامپی گەفێن وەسا کرینە و چو ئەنجامێن خوە نەبووینە، هێڤیدارین ئەمریکا وەکو هەڤپەیمان سەرەدەریێ بکەت).
وەزیرێ دەرڤە یێ تورکیا ئەو یەک ژی دیار کر کو گەلەک کارێن گرنگ هەنە کو دڤێت ئەم پێکڤە بکەین و نابیت ئەمریکا کوردان و پەکەکێ وەکو ئێک ببینیت، چونکو مە چو ئاریشە ل گەل کوردان نینن و ئاریشا مە پەکەکە یە.
