تۆپبارانێن توركیا پتر ژ 50 جاران كارهبا كانی ماسێ ژ كار ئێخستیه
ئامێدیێ، مهحمود نهێلی:
ژ ئهنجامێ شهڕێ د ناڤبهرا چهكدارێن پهكهكێ و لهشكرێ توركیا دا د ڤان دو سالێن دهربازبووی دا، پتر ژ 50 جاران كارهبا ناوچهداریا كانی ماسێ كهفتیه بهر هێڕشێن تۆپ و فرۆكان و ژ كار كهفتیه.
ئهندازیار ئارام جهلال، رێڤهبهرێ كارهبا دهڤهرداریا ئامێدیێ بۆ رۆژناما ئهڤرۆ دیار كر، ژ ئهگهرێ شهڕ و پێكدادانێن د ناڤبهرا چهكدارێن پهكهكێ و لهشكرێ توركیا دا ل سنوورێ ناوچهداریا كانی ماسێ روو ددهن، گهلهك جاران هێلا كارهبا ناوچهداریێ ژ كار كهفتیه و كارهب هاتیه بڕین.
ناڤهاتی دیار ژی كر، دووماهی جار ژی بهری دو رۆژان، هێلا كارهبا گوندێن سهرهڕۆ، ئوره، دشێش و ئهدنێ ژ ئهگهرێ كهفتنا گولله تۆپهكێ ل نێزیك هێلا فیدهرێ ئاستهنگێ سهر ب ویستگهها كانی ماسێ ڤه كاڕهبا وان گوندان هاتبوو بڕین و گۆت: “تیما كارهبا كانی ماسێ ب سهرپهرشتیا بهرپرسێ سهخبێریێ هێلا كاربێ سهخبێركره ڤه و كارهب بۆ وان گوندان هاته ڤهگهڕاندن ڤه”.
