تۆپخانه‌یێن پێشمه‌رگه‌ی شه‌ش چه‌كدارێن داعش كوشتن
ئه‌ڤرۆ نیۆز، قائید میرۆ
ل ناحیا زوممار هێزێن پێشمه‌رگه شه‌ش تیرۆرستێن داعش كوشتن و ل رۆژئاڤایێ چیایێ شنگالێ ژی گونده‌كێ دیكه ل چه‌كدارێن داعش هاته پاقژكرن.
ژێده‌ره‌كی ل میحوه‌رێ پێشمه‌رگه‌ی ب ئه‌ڤرۆ نیۆز راگه‌هاند، كو ئێڤاریا دوهی ل میحوه‌رێ زومار هێزێن پێشمه‌رگه‌ی تۆپبارانا چه‌كدارێن تیرۆرستێن داعش كریه و د ئه‌نجامدا شه‌ش چه‌كدارێن داعش هاتینه كوشتن.
ئه‌ڤی ژێده‌ری گۆتژی” شه‌ڤا بۆری هێزێن پێشمه‌رگه‌ی شیاینه گوندێ باره ژوری ل رۆژئاڤایێ چیایێ شنگالێ پاقژبكه‌ن و چه‌كدارێن داعش لڤی گوندی هاتینه ده‌رخستن و هێزێن پێشمه‌رگه‌ی تێدا هاتینه بنه‌جهكرن.
