جادەیا گـۆڕستانا سەرتەنگـێ دێ بیتە جۆتساید
دهۆك، دلۆڤان ئاكرەیی:
رێڤەبەرێ گشتی یێ باژێرڤانیان ل پارێزگەها دهۆكێ دیاركر، ب گوژمێ ملیارەك و 499 ملیۆن دیناران رێكا گۆڕستانا سەرتەنگێ دێ بیتە جۆتساید.
دیار بەحری، رێڤەبەرێ گشتی یێ باژێرڤانیان ل پارێزگەها دهۆكێ بۆ رۆژنامەیا ئەڤرۆ گۆت: «پڕۆژەیێ چێكرنا رێكا 30 مەتری یا جۆتساید یا گۆڕستانا سەرتەنگێ ب درێژاهیا هزار و 100 مەتران ژلایێ باژێرڤانیا سێمێلێ ڤە ل سەر بودجا تایبەت یا پارێزگەها دهۆكێ دهێتە بجهئینان».
گۆت ژی: «كار ب باشی لسەر دهێتە كرن، ب تەمامبوونا ڤێ جادەیێ دێ ئاسانكاری بۆ وەلاتیێن قەستا گۆڕستانا سەرتەنگێ دكەن هێتە كرن، دیسا دێ كارئاسانی ژی بیت بۆ هاتنوچوونا خەلكێ دەڤەرا سێمێلێ، كو ب سەناهیتر بگەهنە جادەیا گشتی».
