جارەکا دی ئەز ھێلام
کچەکا ٢٤ سالی برێیا ئیمێلی دلێ خوە بۆ رۆژناما ئەڤرۆ ڤەدکەت و دبێژیت: ئەز خودان کارم ل جھێ کارێ من گەنجەک کو تەمەت منە و داخواز ژ من کر کو پەیوەندیێ لگەل گرێ بدەم من ژی حەز ژێ کر و وی ژی گەلەک حەز ژ من کر ل دەستپێکێ ھەموو تشت د باش بون وی دڤیا من بخوە بخوازیت و گەلەک خوە نێزیکی من دکر وەسا کو ئێدی ئەز نەشیام وی ژبیر بکەم و تەرکا وی بکەم ، لێ پیچ پیچە لگەل من ھاتە گوھورین لێ لدووماھیێ حەز ژ ھەڤالا من کر پشتی ھەڤالا من زانی کو لگەل من بۆ ھەڤالا من ئەو ھێلا و ئەز نەشێم ژبیر بکەم چونکی گەلەک نەخوشیێت لپێش چاڤێت من ب سەرێ من ئیناین داخوازا لێ بورینێ و گەردەن ئازاییێ ژ من کر و ئەز لێبوریم و من ئازا کر و جارەکا دی لمن زڤری و ئەز رازی بوم و تنێ سێ رۆژا ما و جارەکا دی ئەز ھێلامەڤە و من من گوە ل گەلەک درەوێت وی بۆ نھا یێ لگەل ئێکا دی و ڤێ جاری َب ئێکجاری ژ من دوور کەفت لێ ئەز ن یا دلخوشم و نەشێم ژبیر بکەم و رشبین بویمە د ژیانا خوە دا بەلێ ھەر ل ھیڤیا زڤرینا ویمە و بی َھیڤی نەبویمە ژبەر ڤێ بێ ھیڤیی نەبونێ ژیانا من یا راوەستیایی ھەموو گاڤا یی َلپێش چاڤێت من نزا چ بکەم من گەلەک رێک بکار ئینان لێ ئەز یا بەرزە بویم و نزا چ بکەم ئەڤجا ھوون چ دبێژن و ئەز چ بکەم؟
کچا ھێژا :
باش ھزرا خوە بکە کو ئەو یێ یاریا ب ھەستێن تە و ھەڤالێن تە دکەت و ئارمانجا وی ئەوە حەزێن خوە تێر بکەت و ھەموو کارێن دی پشت گوە دھاڤێژیت وەکی ھەستا و رومەتێ و ب ساناھی مەسەلا ئەڤینیێ دگوھوریت، ئەڤجا بزانە یا وی نەئەڤینی یە دگەل تە و دگەل یێن دی بەس بوراندنا دەمی یە و وەسا یێ شارەزایە دڤێ یاریێ دا ئەڤجا حەزەرا خوە وەربگرە و وەسا دیارە شەنێێ تە یێ باشە کو پەیوەندیا ھەوە بدووماھی ھاتیە، ژبەر کو ھەر دا بدووماھی ھێت د ھەرگاڤەکا ئێک بکەڤیتە داڤێن وی و دێ بەردەوام بیت ل سەر ڤی رەوشتی ژبەرکو بزانە ھەر کەسێ ئەڤینیا دروست بکەت پێگیریێ ب وەفاداریێ دکەت و ھەردەم قوربانیا ددەت ژپێخەمەت پاراستنا کەرامەتا ھەڤالا خوە کو دئایندەدا ژبەرکو دێ خیزانێ دگەل پیک ئینیت ئەڤجا دوبارە دیتنێت خوە بگوھورە و بزانە دەرگەھێن ژیانێ لبەر تە دڤەکرینە و چ جارا پەشیمانا وان کەسا نەبە یێن خودان ڤان جورە رەفتارا .
پۆ په‌يوه‌نديكرنێ ب گۆشا دلێ خوه ڤه‌كه په‌يوه‌نديێ ب ڤێ هژمارا تله‌فۆنێ بكه: 07503404123
