جوره‌كێ مه‌ترسیدارێ ماددێن هۆشبه‌ر ل زاخۆ هاته گرتن
زاخۆ، دلۆڤان هالۆ:
ئه‌فسه‌رێ ڤه‌كۆلینێ ل رێڤه‌به‌ریا ئاسایشا زاخۆ بۆ ڕۆژناما ئه‌ڤرۆ دیار كر، ل زاخۆ د ئۆپه‌ڕاسیۆنه‌كا تایبه‌ت دا رێڤه‌به‌ریا ئاسایشا زاخۆ دگه‌ل ئه‌نجوومه‌نێ ئاسایشا هه‌رێما كوردستانێ، گڕۆپه‌كێ 7 كه‌سی ب تۆمه‌تا بازرگانی كرن و بكارئینانا ماددێن هۆشبه‌ر ده‌سته‌سه‌ركر، كو پێنج كیلۆ یێن ماددێن هۆشبه‌ر ژ جۆرێ ئه‌فیون و چه‌ند چه‌كێ جورا و جور د گه‌ل دا بوون”.
عه‌لی عوسمان، ئاماژه ب وێ چه‌ندێ ژی كر: ” ئه‌ڤ گڕۆپه ژ 7 تۆمه‌تباران پێك هاتیه و خه‌لكێ زاخۆنه، ئه‌ڤ ماددێن هۆشبه‌ر ژ ده‌رڤه‌ی سنوورێ هه‌رێما كورستانێ ئیناینه زاخۆ، كو 5 ژ وان تۆمه‌تباران بكارئینه‌رێن ماددێن هۆشبه‌رن و دو تۆمه‌تبارێن دی ژی بازرگانێن ماددێن هۆشبه‌رن”.
گۆت ژی: ” ئه‌ڤه جارا ئێكێ یه ل زاخۆ ئه‌ڤ جۆرێ مه‌ترسیدار یێ ماددێن هۆشبه‌ر ژ جۆرێ ئه‌فیۆن دهێته ده‌سته‌سه‌ر كرن، كو جۆره‌كێ گه‌له‌ك مه‌ترسیداره ژ به‌ركو ماددێن هۆشبه‌ر ژ جۆرێ هێروین ژێ دهێته دروست كرن، و هه‌روه‌سا د هێته چاندن ژی”.
