جڤاتا بلند یا خانمان رۆژا جیهانی یا نەهێلانا توندوتیژیێ دێ ساخ كەت
دلڤین رەشید:
دكتۆرە خانزاد ئەحمەد، ئەمیندارا گشتی یا جڤاتا بلند یا خانمان و گەشەپێدانێ بۆ رۆژناما ئەڤرۆ دیاركر، د چارچۆڤێ بزاڤێن بەردەوام ژ بۆ بەرەڤانیكرن ژ مافێن ژنان و بلندڕاگرتنا هشیاریا جڤاكی لسەر مەترسیێن توندوتیژیێ، جڤاتا بلند یا خانمان و گەشەپێدانێ ل حوكمەتا هەرێما كوردستانێ ب هەڤپشكی ل گەل زانكۆیا دهۆك و رێكخراوا تیرێژێن رۆژێ بۆ گەشەپێدانا ژنێ، هەلكەفتا رۆژا جیهانی یا نەهێلانا توندوتیژیا سكسی دێ ساخ كەت.
ناڤهاتیێ گۆت: «ئەڤ چالاكیە ل رۆژا چارشەمبیا بهێت 17/6/2026 ل هۆلا كۆنفرانسان ل زانكۆیا دهۆك ل سەر بیرئینانا كارەسەتا ئێزدیان دێ هێتە سازكرن، ژ دان پێدانێ بۆ شیانان، دادپەوەری، هەروەسا دێ چەندین پەنەلێن جودا هەبن، لسەر چارەسەركرنا بەردەوام ژبۆ وان توندوتیژیێن جودا ئەویێن دژی ئافرەتان دهێنە ئەنجامدان».
گۆت ژی: «هیڤیخوازین ئەڤ هەلكەفتە ببیتە دەرفەتەك ژ بۆ نووژەنكرنا هەڤپەیمانیەكا هەڤ پشك یا جڤاكی ژ بۆ نەهێلانا توندوتیژیێ و پشتەڤانیكرن ل دۆزا ژنان».
