جڤاكێ باوەری ب شیانێن وێنەگرێن ژن نین
وێنەگر (شلێر سەعید عەبدوللا) د دیدارەكێ دا بۆ رۆژناما ئەڤرۆ دیاركر كو ئەو خەلكا باژێرێ كۆیە یە، دەرچویا زانكۆیا بەغدایە/ پشكاراگەهاندنێ، راهێنەرە د بوارێ گەشەپێدانا مرۆڤی دا، ل دەستپێكێ حەزا كارێ وێنەگریێ هەبویە، ل جەژن و شەهیان و بیرەوەریان وێنەیان بۆ خەلكی دگریت.
نافهاتیێ گۆت: دەمێ ئەز دچمە داوەتان بتنێ ئێك ژ ئاستەنگان ئەوە هێشتا جڤاكی باوەری ب شیانێن ژنێ نینن د بوارێ وێنەگریێ دا، بەلێ ئەز هەموو بزاڤان دكەم كو ڤێ باوەریێ بۆ خەلكێ دەڤەرێ پەیدا بكەم ، كو چ جوداهی نینن د ناڤبەرا ژن و زەلامان دا د كارێ وێنەگریێ دا ، بەلكو هەر كارەك دمینتە ل سەر شیانێن تاكە كەسی كا چاوا یێ سەركەڤتی بیت و گەلەكا گرنگە ژن ل دەستپێكێ خوە پێبگەهینن داكو بشێن دهەر كارەكی دا یا سەركەفتی بیت، جونكی جڤاك دلۆڤانیێ ب ژنێ نابەت هەكە ئەو ب خوە وێ هێزا دگیانێ خوە دا ب كار نە ئینیت بۆ ئارمانجێن خوە، بێگومان دێ تووشی شكەستنێ بیت، لەورا گرنكە هەموو ژن كاری بۆ هیڤی و ئارمانجێن خوە بكەن بی ترس و دو دلی.
