حزبولا گه‌فا ل سه‌رۆك كۆماری دكه‌ت
ئه‌ڤرۆ نیوز:
حزبولا عیراقی گه‌فان ل سه‌رۆك كۆمارێ عیراقێ دكه‌ت هه‌كه ل گه‌ل سه‌رۆكێ ئه‌مریكا كۆمببیت.
ئه‌بو عه‌لی عه‌سكه‌ری به‌رپرسێ ئه‌منیێ حزبولا عیراقی راگه‌هاند: نابیت ب چ شێوه‌یه‌كی سه‌رۆك كۆمارێ عیراقێ ل گه‌ل دونالد ترمپ كۆم بیت، هه‌كه ل گه‌ل كۆم بیت دێ هه‌لویسته‌كێ توند هه‌مبه‌ر سه‌رۆك كۆماری مه هه‌بیت.
به‌رپرسێ ئه‌منیێ حزبولا عیراقی ئه‌و چه‌نده دیاركر هه‌كه سه‌رۆك كۆمار ل گه‌ل سه‌رۆكێ ئه‌مریكا كۆمبوو، دڤێت به‌رهه‌م سالح ژ به‌غدا بهێته ده‌ركه‌ن ژلایێ ئازادیخوازانڤه.
سه‌رۆك كۆمارێ عیراقی ب مه‌به‌ستا پشكداریكرنێ ل كوربه‌ندێ ئابووری یێ داڤوسێ به‌ره‌ڤ سویسرا چوویه و بریاره ل گه‌ل دونالد تره‌مپی ژی كۆم بیت.
