حه‌جيێ سيێ يێ دهۆكێ ل سعوديێ گيانێ خوه ژ ده‌ست دا
ئه‌ڤرۆ نيوز، نيوار محه‌مه‌د سه‌ليم:
رێڤه‌به‌رێ په‌يوه‌ندى و راگه‌هاندنێ ل وه‌زاره‌تا ئه‌وقاف و كاروبارێن ئاينى ل حوكموتا هه‌رێما كوردستانێ راگه‌هاند كو ئه‌ڤ شه‌ڤه حه‌جيبێ چارێ يێ كورد و يێ سيێ ژ دهۆكێ چو به‌ر دلۆڤانيا خودێ.
مه‌ريوان نه‌قشه‌به‌ندى ل تۆرا جڤاكى يا فه‌يسبۆكى به‌لاڤكريه كو ئه‌و وه‌لاتى خه‌لكێ قه‌زا ئاكرێ يه سه‌ر ب پارێزگه‌ها دهۆك ب ناڤێ ره‌حيم ئه‌سكه‌نده‌ر نيمه‌ت و ژيێ وى 87 ساله و ده‌مژمێر 8:30 ده‌قيقه چوويه به‌ر دلۆڤانيا خودێ ل ئێك ژ نه‌خۆشخانێن باژێرێ مه‌ككێ كو ئه‌ڤه چه‌ند رۆژه ژ به‌ر خرابيا ره‌وشا وى يا ساخله‌مى بۆ وێ نه‌خۆشخانێ هاتبوو ڤه‌گوهاستن.
ب ڤێ چه‌ندێ ژى هژمارا حاجيێن هه‌رێما كوردستانێ يێن ل سعوديێ گيانێ خوه ژ ده‌ست داين چار كه‌سن كو سێ ژ وان خه‌لكێ دهۆكێ نه و ئێك ژى خه‌لكێ هه‌ولێره.
بڕياره ژى پشتى ئاگه‌هداركرنا خێزانا وى و كرنا نڤێژا مريان ل سه‌ر ته‌رمێ وى، ل قه‌برستانا باژێرێ مه‌ككێ بهێته ڤه‌شارتن.
