حه‌فت زیانێن خوارنا ژ پێرڤه‌

حه‌فت زیانێن خوارنا ژ پێرڤه‌

7

ئه‌ڤرۆ، به‌رپه‌رێ‌ ساخله‌میێ‌:

ژ ئه‌گه‌رێ‌‌ مژوولیا مه‌ یا رۆژانه‌ ب ژیانیێ‌ ڤه‌، خوارنا ژپێرڤه‌ یا به‌ربه‌لاف دبیت، هه‌لبه‌ت كه‌سه‌ك نینه‌ كو رۆژه‌كێ‌‌ یان جاره‌كێ‌‌ دژیانا خوه‌ دا خوارن ژپێرڤه‌ نه‌خواربیت، ل به‌رامبه‌ر ڤێ‌‌ چه‌ندێ‌‌ هنده‌ك ڤه‌كولین مه‌ترسیێن خوارنا ژپێرڤه‌ دده‌نه‌ دیاركرن.

زه‌حمه‌ت هه‌رسبوونا خوارنێ‌‌ و ته‌نگه‌زاریێن مه‌عیده‌ی و زێده‌بوونا سه‌نگی، ژ ئاریشێن هه‌ره‌مه‌زنێن خوارنا ب له‌زن، (ڤیرونیكا موییخو) د راپۆرته‌كا خوه‌ دا كو ل رۆژنانا ( كونفدنسیال) یا ئیسپانی دا هاتیه‌ به‌لافكرن، ڤان مه‌ترسیان دیاردكه‌ت.

له‌ورا ئه‌و داخواز دكه‌ت كو ب كێماتی بیست ده‌قیقه‌ بو هه‌ر دانه‌كێ‌‌ خوارنێ‌‌ بهێنه‌ ته‌رخانكرن، داكو خوارن باش بهێته‌ هه‌رسكرن و دبێژیت: نابیت ل ده‌مێ‌‌ خوارنێ‌‌ دادعوورن باخڤن.

ل گه‌ل ڤان شیره‌تان ژی مه‌ترسیێن دیتر ژی هه‌نه‌، ئه‌رێ‌‌ تو دزانی خوارنا ژپێرڤه‌ یا ب زیانه‌ بو ساخله‌میێ‌‌، ئه‌و چ تشتن مه‌ پال دده‌ن ئه‌م خوارنێ‌‌ ژپێرڤه‌ بخووین؟

ل ڤێرێ‌ پێدڤیه‌ دیاربكه‌ین كو حه‌فت زیان هه‌نه‌ ده‌مێ‌‌ خوارن ژپێرڤه‌ دهێته‌ خوارن ژوانژی:

1-زه‌حمه‌ت هه‌رسبوون.

2-ئه‌م زوو هه‌ست ب تێربوونێ‌‌ ناكه‌ین.

3-ئێشانا مه‌عیده‌ی.

4-زێده‌بوونا مه‌ترسیێ‌ ب قه‌له‌ویێ‌‌.

5-زوو خوارن و ده‌لیڤه‌ نه‌دان بو جوینا خوارنێ‌‌.

6-زێده‌ داعوورانا هه‌وای دگه‌ل خوارنێ‌‌ و پربوونا مه‌عیده‌ی.

7-زێده‌بوونا غازاتا دناڤ رووڤیكان دا.

ل سالا 2013، ڤه‌كولینه‌كا زانكۆیا چیسته‌ر یا بریتانی گه‌هشتبوو وێ‌‌ چه‌ندێ‌‌ كه‌سێن ژپێرڤه‌ خوارنێ‌‌ دخوون گه‌له‌ك زوو دخوون و نه‌شێن ب دروستی بجوین، ئه‌ڤه‌ دبیته‌ ئه‌گه‌ر خوارن هه‌رس نه‌بیت و ئه‌و كه‌س زوو تێر نه‌بیت، هه‌روه‌سا ئه‌و هه‌ست ب ئارامیێ‌‌ ناكه‌ن، به‌روڤاژی كه‌سێ‌ روونشتی دخووت.

کۆمێنتا تە