حه‌يده‌ر عه‌بادى: رێ ناده‌ين په‌كه‌كه ل كه‌ركووك ئالايێ خوه بلند كه‌ت
ئه‌ڤرۆ نيوز:
حه‌يده‌ر عه‌بادى سه‌رۆك وه‌زيرێن عيراقێ د كۆنگره‌كێ رۆژنامه‌ڤانى دا پشتى كۆمبوونا جڤاتا وه‌زيران ل شه‌ڤا سێشه‌مبى 9ى گۆلانا 2017ێ راگه‌هاند: “ب پشتراستى ڤه بلندكرنا ئالايێ په‌كه‌كێ ل كه‌ركووك ره‌تدكه‌ين، دياره هه‌ڤركيا بلندكرنا ئالايان ل كه‌ركووك سه‌رهلدايه. په‌كه‌كه رێكخراوه‌كا عيراقى نينه، ژ به‌ر هندێ ژى رێ ناده‌ين چالاكيێن ژ وى ره‌نگى ئه‌نجام بده‌ت و به‌رى نوكه ژى مه ئاگه‌هدار كرينه كو مه نه‌ڤێت بكه‌ڤينه هه‌ڤركيان ل گه‌ل په‌كه‌كێ”.
عه‌بادى ته‌كست ل سه‌ر وێ چه‌ندێ كر كو رێ ناده‌ن په‌كه‌كێ چ جۆره چالاكيه‌ك ل ناڤ ئاخا عيراقێ هه‌بيت ل دژى توركيا، دستوور عيراقێ رێ ب ڤێ چه‌ندێ ناده‌ت كو ئاخا عيراقێ ل دژى وه‌لاته‌كێ دى بهێته ب كار ئينان.
ده‌رباره‌ى بلندكرنا ئالايى ل كه‌ركووك عه‌بادى گۆت: “بلندكرنا ئالايێن جودا ل كه‌ركووك سه‌رهلدايه هه‌كه دێ ب هێزێ ئالايى بلند كه‌ن، بلا ل دووڤ قانوونا دارستانێ بچن، مه ژى سه‌روه‌ريا قانوونێ دڤێت”.
