حوكمه‌تا هه‌رێمێ:دڤێت ده‌واما فه‌رمى ژ 8 سپێدێ هه‌تا 3 پشتى نیڤرۆ بیت
ئه‌ڤرۆ نیوز:
حوكمه‌تا هه‌رێما كوردستانێ راگه‌هاند، پێدڤیه ده‌واما فه‌رمى یا هه‌موو وه‌زاره‌ت وفه‌رمانگه‌هان ژ 8 سپێدێ ده‌ست پێ بكه‌ت هه‌تاكو 3 پشتى نیڤرۆ.
جوتیار عادل، په‌یڤدارێ حوكمه‌تا هه‌رێما كوردستانێ گۆت” ب بریارا جڤاتا وه‌زیرێن هه‌رێما كوردستانێ، ده‌وام ل هه‌موو وه‌زاره‌ت وفه‌رمانگه‌هێن حوكمه‌تا هه‌رێمێ ل ده‌مژمێر 8 سپێدێ ده‌ست پێ دكه‌ت هه‌تاكو 3 پشتى نیڤرۆ”.
ناڤبرى زێده‌تر بۆ رووداوێ گۆت” ل هه‌ر وه‌زاره‌ت وفه‌رمانگه‌هه‌كێ ده‌وام ژ وى ده‌مى كێمتر بیت، دێ به‌رپرسیاره‌تى كه‌ڤیته ستوویێ وه‌زیرى”.
دیاركر ژى” نوكه پاشكه‌فتێ مووچه‌ى نه‌مایه ودانا مووچه‌ى یا ئاسایى بووى، چو هوكاره‌ك نینه كو فه‌رمانبه‌ر پێگیرى ده‌وامێ نه‌بن”.
