حوكمه‌تا هه‌رێمێ دێ گرنگيێ ده‌ته چاندنێ ل ده‌ڤه‌را به‌رده‌ره‌ش
وه‌زيرێ چاندنێ ل حوكمه‌تا هه‌رێما كوردستانێ عه‌بدولستار مه‌جيد دوهي 2/9/4102سه‌ره‌دانا قه‌زا به‌رده‌ره‌ش كر ژ بۆ ئاگه‌هادر بوون ل سه‌ر ره‌وشا چاندنێ ل وێ ده‌ڤه‌رێ و دابينكرنا خزمه‌تێن چاندنێ د بياڤێ به‌رهه‌مێ رووه‌كي و سامانێ ئاژه‌لي دا.
به‌رپرسێ راگه‌هاندنا قايمقاميا قه‌زا به‌رده‌ره‌ش حيكمه‌ت مه‌ولود بۆ ئه‌ڤرۆ دياركر كو وه‌زيرێ چاندنێ ل حوكمه‌تا هه‌رێما كوردستانێ د كۆمبوونه‌كێ دا ل گه‌ل قايمقامێ به‌رده‌ره‌ش سه‌ردار يه‌حيا و جۆتيارێن ده‌ڤه‌رێ به‌حسێ ره‌وشا چاندنێ و پێدڤيێن جۆتياران ژ لايێ كه‌رتێ چاندنێ ڤه كرن، گۆت ژي وه‌زيرێ چاندنێ ژ نزيك هايداري كێماسيێن كه‌رتێ چاندنێ ل ده‌ڤه‌رێ بوو و گوهداريا گازنده و داخوازيێن وان كر، دو داخواز پيشكێشي وه‌زيرێ چاندنێ هاتنه كرن كو دو هۆبێن چاندنێ ل ناحيێن روڤيا و داره‌تو و فه‌رمانگه‌هه‌كا ئاڤا بن ئه‌ردي ژي ل به‌رده‌ره‌ش بێنه ڤه‌كرن.
حيكمه‌ت مه‌ولود گۆت ژي وه‌زيرێ چاندنێ راگه‌هاند كو دێ دووڤچوونا داخوازيي و گازنده و كێماسيێن جۆتيارێن وێ ده‌ڤه‌رێ هێته و يا دشيان دابيت بهێته چاره‌كرن، چونكو ده‌ڤه‌را به‌رده‌ره‌ش ل هه‌رێمێ ل رێزا دويێ دهێت ژ لايێ چاندنێ ڤه پشتي ده‌شتا شاره‌زۆر.
