حوكمه‌ت دێ پارێ خواندنا كه‌سوكارێن شه‌هیدان وئه‌نفالكریان مه‌زێخیت
ئه‌ڤرۆ نیوز:
وه‌زاره‌تا كاروبارێن شه‌هید وئه‌نفالكریان ل هه‌رێما كوردستانێ راگه‌هاند، حوكمه‌تا هه‌رێمێ رازیبوونا خوه دیاركریه بۆ مه‌زاختنا پارێ دو سالێن دى یێن خواندنێ بۆ كه‌سوكارێن شه‌هید وئه‌نفالكریان كو ل زانكۆ وپه‌یمانگه‌هێن ئه‌هلى دخوینن.
فوئاد عوسمان، په‌یڤدارێ وه‌زاره‌تا كاروبارێن شه‌هید وئه‌نفالكریان راگه‌هاند” حوكمه‌تا هه‌رێمێ رازیبوونا خوه دیاركریه كریا خواندنا هه‌ردو سالێن 2017 و 2018 یا كه‌سوكارێن شه‌هید وئه‌نفالكریان ب مه‌زێخیت كو ل هه‌رێما كوردستانێ ل زانكۆ وپه‌یمانگه‌هێن ئه‌هلى دخوینن”.
ناڤبرى گۆت ژى” چاڤه‌رێ دهێته كرن گه‌نجینه پارێ پێدڤى دابین بكه‌ن وده‌ست ب مه‌زاختنا پاره‌ى بهێته كرن، چونكى وه‌زاره‌تا دارایى وئابوورى بریار یا داى و تنێ یا ماى بهێته مه‌زاختن”.
