حەزا دەرهێنەریێ ل دەف هەیە
ئەڤرۆ، شاهۆ فەرید:
چرا رەشید، گەنجەكێ خەلكێ دهۆكێ یە و ماوێ چار سالانە كارێ مۆنتێریێ دكەت، د دیدارەكێ دا بۆ رۆژناما ئەڤرۆ گۆت: من حەز سەرڤی كاری هەبوو وەكۆ دەستپێك من ژ دۆبلێریێ دەستپێكر و چەندین جها من كاركر، دووڤدا من خوە فێریی مۆنتێریێ كر و هەتا نوكە یێ بەردەوامم وچەند پارچە ڤیدیۆیێن كورت بۆ سۆشیالا خوە یا تایبەت و سترانبێژان بەرهەڤكرینە.
زێدەتر گۆت: هەڤالان گەلەك هاریكاریا من كر و هەرئێكێ ژلایێ خوە ڤە فێری هندەك كاری كرم، نوكە حەزامن پتر بۆ دەرهێنەریێ یە ومن دڤێت ل دەمێ بهێت هەكە دەرفەت كەفتێ هندەك كلیپین جۆرا وجۆر تایبەت یێت سروشتی كارێ دەرهێنەریێ بۆ بكەم چونكو گەلەك حەزژ سرۆشتی دكەم، هەكە پشتەڤانی هاریكاریا گەنجان بهێتەكرن دێ گەلەك كارێن باش نیشادەین كو ببنە جهێ سەرنجا خەلكەكی دەمێ دبینن.
