حەشد شەعبی گەفان ل لەشکرێ ئەمریکی دکەت
ئەڤرۆ نیوز:
پەیڤدارێ فەرمیێ بالێ لەشکریێ رێکخراوا بەدەر، راگەھاند د چەند رۆژێن داھاتی دا دێ ھێرشەکا بەرفرەهـ بۆ رزگارکرنا باژێرێ رومادی ژ دەستێ داعشێ دەستپێکەت و رەتکر ژی کو ھێزێن ئەمریکی ل بەرەیێ شەڕی ھەبن و گەف ژی کرن کو ھەکە ھێزێن ئەمریکی بھێنە سەر ئەردی، دێ تووشی ئاگرێ چەکێن حەشد شەعبی بن.
رەزا تمێمی ئاشکراکر ژی کو ھێرشەکا مەزن ژ لایێ حەشد شەعبی و ھێزێن عیراقی دێ ل سەر رومادی ھێتە کرن، د ھەمان دەم دا گوت ژی کو ھەوالگیری و دووڤچوونا حەشد شەعبی د دەمێ بۆری دا تێبینیا ھەبوونا چو ھێزەکا بیانی ل سەر ئەدری نەکریە، بەلکو تنێ ئەو چەندە دیتی یە کو فرۆکە چەکی و ھاریکاریان بۆ داعشێ دبەردەنە خوارێ، ب دوور ژی نەزانی کو ھەڤپەیمانیا نێڤدەولەتی تۆپێن گران بدەتە داعشێ بۆ توپبارانکرنا حەشد شەعبی.
ژلایێ خوەڤە عەمید (یەحیا رەسول) پەیڤدارێ ئۆپەراسیۆنا ھەڤپشک گوت” ئەرکێ ھێزێن ھەڤپەیمانان تنێ دێ پێشکەشکرنا شیرەتان و توپبارانکرنا ئەسمانی بیت”. ناڤبری رەتکر ژی چو کەلوپەلێن ھێزێن ھەڤپەیمانان بۆ ئەنبار چوبن، دووپاتی ل سەر وێ چەندێ ژی کر کو نەخشێ رزگارکرنا ئەنبارێ ب باشی یێ ب رێڤەدچیت و ل دەستپێکێ ھەموو پێگەە و بنکێن داعشێ ل گەل عومبارێن چەک و تەقەمەنیێ دێ ھێنە ژناڤبرن.
نۆمان عەبد زەوبەعی فەرماندێ فرقا حەفت یا لەشکرێ عیراقێ د داخۆیانیەکا رۆژنامەڤانی دا، دووپاتی ل سەر وێ چەندێ کر کو تۆبخانا ھەڤپەیمانان دێ ھاریکاریا ھێزێن عیراقی کەن بۆ رزگارکرنا ئەنبارێ.
