خودانکرنا پەلەوەران د نا سەنتەرێ ئاکرێ دا هاتە قەدەغەکرن
ئەڤرۆنیوز، سەباح زوھێر:
مازن محمد سەعید قایمقامێ قەزا ئاکرێ بۆ ئەڤرۆ نیوز ددەتە دیارکرن کو لیژنەک ژ لایێ قایمقامیا ئاکرێ ھاتیە پێک ئینان کو ل دووڤ بەندێ ٧٣ یێ قانوونا ژمارە ٨٩ یا سالا ١٩٨١ ژ بەر بەرژەوەندیا گشتی یا پاراستنا ساخلەمی و سەر و سامانێ وەلاتیان چەندین رێنما ھاتنە دەرئێخستن بۆ نەھێلانا دیاردا خودانکرنا پەلەوەران د ناڤ سنورێ باژێرڤانیێ دا.
قایمقامێ ئاکرێ گۆت ژی کو پشتی ١٥ روژان پێرابوونێن قانونی دێ دگەل وان کەسا ھێنە وەرگرتن کو رادبن ب خودانکرنا پەلەوەران د ناڤ سنورێ باژێرڤانیێ دا، ھەر کەسێ سەرپێچیا ڤان رێنما و قانوونا بکەت دێ رێکارێن قانوونی دژی وی ھێنە بکارئینان ئەو رێکار ژی دەستەسەرکرنا وی مەرومالاتی یە و دێ ھێتە فروتن و پارێ وان دێ بۆ ھێتە زڤراندن، ھەروەسا ئەو کولێن د ناڤ سنورێ باژێرڤانیێ دا پشتی تەمامبوونا ١٥ روژێن دی ھەموو دێ ھێنە خرابکرن، لەوما بلا خەلک ھوشیاری ڤێ چەندێ بیت نەبنە ئەگەرێ تێکدانا جوانی و پیسبوونا باژێری.
