خولا نایاب دێ دەستپێكەت و دهۆك د ناڤ دا نینە
دوهی ب شێوەكێ فەرمی پشككێشانا وەرزێ نوو 2024-2025ێ یا خولا پلا نایابا كوردستانێ ل هەولێرا پایتەخت هاتە كرن ئەوا دێ 16 یانە هەڤڕكیێ ل سەر ناسناڤی كەن و یاریێن وان ب شێوەیێ خول دو قۆناغ هێنە كرن.
د پشككێشانێ دا هەردو یانەیێن زاخۆ و ئاكرێ دێ نوونەراتییا پارێزگەها دهۆكێ كەن، لێ بابەتێ د ناڤا چادا وەرزشی هاتییە گۆتن كو مانا تیما یانەیا دهۆك د خولا نایاب دا دێ مینت لێ هاتە ئێكلا كرن و دێ ل پلا ئێك پشكداریێ كەت، یاریێن حەفتییا ئێكێ خولا پلا نایاب دێ ل پێنج شەمبییا بهێت بڤی شێوەی دەستپێكەت.
ئاكرێ- چوارقۆرنە، رزگاری- زاخۆ، سەید سادق- هەولێر، سیروانی نوو- ئارارات، شەقلاوە- پێشمەرگەیا هەولێر، دەربەندیخان- پیشەسازی، ڕانیە- برایەتی، شێروانە- هندرین.
ل دۆر ڤێ یەكێ ئازاد محەمەد ئەندامێ فدراسیۆنا فوتبۆلا كوردستانێ بۆ رۆژنامەیا ئەڤرۆ دیار كر: وەرزێ نوو یێ خولا نایاب دێ بشێوەكێ ڕێكخستی و باشتر ژ وەرزێن بۆری بیت، هەموو بەرهەڤی هاتینە كرن، دادڤان و سەرپەرشتیار و پێڕابوونێن خولێ دا.
هەروەسان ناڤهاتی گۆت: ب خوەشحالیڤە سەرۆك وەزیران مەسرور بارزانی چاڤدانەكا هەری باش دایە ژێرخانەیا وەرزشێ و بەردەوام پشتەڤانێ فوتبۆلا كوردستانێ یە، بۆ وەرزێن بوری حەفت سەد ملیۆن هاتبوونە مەزاختن ئەڤ سالە ژی هەمان بۆدجە مە داخواز كریە.
