خولا کوردستانێ ھاتە پاشئێخستن و ئەگەرێن ئەوێ بزانە
ئەڤرۆ،ھەژار مەعروف:
بریار بوو ل پێنج شەمب و ھەینیا بھێت یاریێن گەرا دەھێ ژ خولا پێشمەرگەیێ کوردستانێ بۆ یانێن پلا نایاب ھاتبانەکرن لێ ئەڤرۆ د کومبوونا خوە یا دووماھیێ دا ئێکەتیا تەپا پێ یا کوردستانێ بریار دا یاریێن ڤێ حەفتیێ بھێنە پائێخستن . سەلام حوسێن سکرتێرێ ئێکەتیا تەپا پێ یا کوردستانێ د داخویانیەکێ دا بۆ رۆژناما ئەڤرۆ دیارکر بریارە یاریێن ڤێ حەفتیێ ژ خولا پلا نایاب بھێنە پائێخستن بۆ حەفتیا دویڤدا ژبەرکو کەش و ھەوایێ کوردستانێ نە یێ ھاریکارە ھەردیسان بریار ھاتیە دانێ بتنێ یاریا دناڤبەرا گارە و ئارارات دا ل یاریگەھا پیرمام بھێتە ئەنجامدان ل رۆژا ھەینیا بھێت کو ئەڤ یاریە ل حەفتیا بوری ھاتبوو پائێخستن ژبەر بەفر بارینا زور ل یاریگەھا پیرمام . سەبارەت پائێخستنا خولێ ژبەر ڤێ یاریێ دیارکر ئەگەرێن پائێخستنا خولێ بۆ دو خالان ڤەگەریت کو ل زوربەیا دەڤەرێن کوردستانێ کەش ھەوا نەیێ ھاریکارە رۆژێن پێنج شەمب و ھەینیا بھێت و خالا دوێ ژێ بۆ یاریا دناڤبەرا ئارارات و گارە ڤەدگەریت ژبەرکو یاریێن چارەنڤێسی نە ئەو دخوازن ھەمی یاری ل گەل ئێک ل حەفتیێن بھێت بھێنە برێڤەبرن.
