خوه‌لێگدانا زاخۆ ئه‌گه‌رێن ژ ده‌ستدانا ناسناڤێ ئیراقێ دیاركرن
ئه‌ڤرۆ، عه‌لی حاجی:
راهێنه‌رێ تیما لاوێن یانا زاخۆ بۆ یاریا خوه‌لێگدانێ دیاركر نه ده‌ستڤه ئینانا چو ئه‌نجامێن باش د قاره‌مانیا ئیراقێ دا ژبه‌ر نه‌بوونا راهێنانێن به‌رده‌وام و چوونا هنده‌ك یاریزانان كو ده‌ست ڤالا ژ به‌غدا ڤه‌گه‌ڕێن.
زێده‌تر ره‌مه‌زان حه‌سه‌ن بۆ رۆژناما ئه‌ڤرۆ گۆت: سه‌رباری تیما مه خوه بۆ قاره‌مانیێ به‌رهه‌ڤی دكرن لێ ئه‌و راهێنانێن به‌رده‌وام نه‌بوون كو بوویه ئه‌گه‌ر چو ئه‌نجامێن باش د قاره‌مانیا ئیراقێ دا ب ده‌ستڤه نه‌ئینن ئه‌وا ل حه‌فتیا بوری ل باژێرێ به‌غدا هاتیه ئه‌نجامدان و ئه‌گه‌رێن سه‌ره‌كی یێن و دیسان ژ ده‌ستدانا پله‌یێن ئێكێ و ناسناڤی ڤه‌دگه‌ڕێت بۆ چوونا چه‌ند یاریزانێن وان و پشكداری ل گه‌ل یانێن دی یێن ئیراقێ یێن شیاین ل گه‌ل وان یانا ئه‌نجامێن باش ده‌ستخوه‌ڤه بینن، ژلایه‌كێ دووڤه یاریزانێن مه به‌رده‌وامی نه دا یه‌كێن خوه یێن راهێنانێ ژبه‌ركو هه‌موو خودان كارن و ژیانا وان یا سه‌ره‌كی ل سه‌ر ئه‌وان كارا بوون، لێ ئه‌ڤه وێ یه‌كێ نا گه‌هینت مه تیمه‌كا باش نینن و كاوادنێن دیاركری كارتیكرنا خوه هه‌بوو.
ناڤهاتی ئه‌وچه‌نده ژی دیاركر كو دێ به‌رده‌وامبن ل سه‌ر به‌رهه‌ڤیێن خوه بۆ قاره‌مانیێن داهاتی و ئه‌و كێماسی و خه‌له‌تیێن هه‌ین دێ چاره‌سه‌ركه‌ن ژبۆ باشترین شێوه بهێنه به‌رهه‌ڤكرن و تیمه‌كا بهێز ژ گه‌نجان بۆ پاشه‌رۆژێ بهێته دروستكرن.
