خو پاراستن ژ تۆز
تۆز گردكێن ئاخێ و تشتێن دینه، دگه‌ل هوڕه‌بای به‌لاڤه دبن و ب ڕێكا دفنێ و چاڤان و گه‌رویێ و چه‌رمی باندۆر و هنگارێ ل مرۆڤی دكه‌ن و ئاڕێشه‌یێن ساخله‌میێ بۆ گه‌له‌ك كه‌سان چێدكه‌ن، نه‌خاسمه كه‌سێن هه‌ستیاری هه‌بت یان نه‌ساخیێن هه‌ناسه‌یێ یان دلی هه‌بن. ل وه‌ختێ تۆزبارینێ، فه‌ره خه‌لك ژ مالێ ده‌رنه‌كه‌ڤن و ئه‌ڤان رێكاران بكه‌ن:
- ده‌رگه‌ه و په‌نجه‌ره‌یان بهێلنه گرتی.
- جێڕیفك و پاته‌یێن ته‌ڕ بۆ رامالینا تۆزێ بكاربینن.
- هه‌لمهاڤێژ Humidifiers و ئاڤڕه‌شینكان بكاربینن.
- نه‌هێلن جانه‌وه‌رێن كه‌هی ده‌ركه‌ڤنه ده‌رڤه داكو تۆزێ دگه‌ل خوه نه‌ئیننه د ژۆر ڤه.
- هه‌كه‌ر وه بابژینك (پاقژكه‌رێ بای) هه‌بت بكاربینن.
گه‌ر خواست تو بچیه ده‌رڤه، ئه‌ڤان رێكاران ژبیرنه‌كه:
- ماسكی یان پێچه‌یێ بكاربینه.
- به‌چافكان بكاربینه دا تۆز نه‌چته چاڤان و هه‌كه‌ر تۆز چۆ چاڤان، چاڤان ب ده‌ستی نه‌گه‌مرینه، باشتره د ئاڤه‌كا پاكژ دا بزولقوتینه یان دلۆپێن چاڤان بكاربینه.
- ده‌رسۆكێ بك سه‌رێ خوه یان كولاڤی.
- گه‌ر ترمبێلێ بهاژۆی، فه‌ره ده‌رگه‌ه و په‌نجه گرتی بن و گلۆپ هه‌لبن و گه‌له‌ك هێدی بهاژۆی، نه‌خاسمه بیاڤێ دیتنێ كێمه، و هه‌كه‌ر تۆز بۆش بت باشتره گلۆپێن هۆشداریێ هه‌لكه‌ی.
- وه‌ختێ ژ ده‌رڤه دهێیه ژۆر، ئێكسه‌ر ده‌ست و سه‌روچاڤێن خوه بشۆ. ئاڤێ د ده‌ڤێ خوه و دفنێ وه‌ربده.. ، دێ باشتر بت دۆشه‌كێ وه‌رگری.
- داكو گه‌روو و بۆڕیا هه‌ناسه‌یێ ته‌ڕ و پاك و ڤه‌كری بمینن، ژبیر نه‌كه ئاڤێ ڤه‌خوه یان گه‌روویا خوه ته‌ڕ بهێله و فێقی یێ زه‌نگین ب ڤیتامینان بخوه.
