داخوازێ ژ مامۆستایان دكەت ببنە پرەك بۆ بلند راگرتنا ژینگەهێ
موسا خالد:
هەنا حەجی، خەلكا ناحیا خانكێ یە و دەرچۆیا پەیمانگەهێ یە، د دیدارەكێ دا بۆ رۆژناما ئەڤرۆ گۆت: ئەڤ جهێ ئەز لێ كاردكەم رێكخراوا (our bridge) ئەز خوە وەك دوستا ژینگەهێ دبینم، ئەڤە دو سالن ل گەل وان كاردكەم، قوتابیێن شەش سالی هەتا گەنجێن هەژدە سالی وان ددەینێ و فێری چاوانیا پاراستنا ژینگەهێ دكەین، مە گەلەك چالاكی ئەنجامداینە، وەك چاندا دران ل سەنتەرێ ناحیا خانكێ و هەر چەند رۆژان جارەكێ ب هەوێن پاقژكرنێ رادبین و ماموستا و قوتابی پێكڤە ب وان هەوان رادبن و ژینگەهێ پاقژ دكەن،
هەروەسا گۆت: ژبەركو پاراستنا ژینگەهێ هەر بۆ مرۆڤی یە، پێدڤیە ئەم هەموو گرنگیەكا زێدەتر پێ بدەین، هەروەسا ل قوتابخانەیان ژی وانەیەكا تایبەت بۆ هەبیت، چنكو دڤێت ئەو ژینگەها ئەم تێدا دژین یا پاقژ و ساخلەم بیت، بەلێ مخابن دەمێ هندەك وەلاتی دچنە سەیرانان پاقژیا وی جهی تێك ددەن و ژینگەها خوە ناپارێزن، چنكو هندەك كەرستەیان وەك (شویشە و پلاستیكی) دهێلنە وی جهی و ڤێ چەندێ كارتێكرنەكا مەزن ل سەر ژینگەهێ كریە و پیسبوونا ژینگەهێ مەترسە ل سەر كێمبوونا چاندانا داران، لەورا وەك ماموستایەك ئەز داخوازێ ژ هەموو ماموستایان دكەم ببنە پرەك هشیاركرن و بلند راگرتنا ژینگەهێ.