دادڤانەك و سێ یاریزانێن پارێزگەهێ پشكداری د قارەمانییا نێڤدەلەتی دا بووینە
قەیس وەیس:
د داخویانیەكێ دا راهێنەرێ تیما یانەیا ئافرەتێن هۆكێ دیار كر شاندنێ هەلبژارتیێ ئیراقێ یێ یارییا تایكۆنجتسۆ والسكی ل سەر ئاستێ كوڕان گەهشتینە وەلاتێ لوبنانێ ژبۆ پشكداریێ د قارەمانییا نێڤدەولەتی یا ماستەر چاپا 12ێ دا ئەوا دێ نیودەلهی هەر ژ 22ێ هەتا 28ێ ڤێ مەهێ مێڤاندارییا وێ دكەت و سێ یاریزان دگەل دادڤانەكێ پارێزگەهێ د ناڤ پێكهاتیێ شاندێ ئیراقی دانە.
زێدەترشیمال محەمەد سالح بۆ رۆژنامەیا ئەڤرۆ گۆت: سەرباری راهێنەرێ تیما كچێن یانەیا ئافرەتێن دهۆكێ مە لێ وەكو ئێك ژ یاریزانێن هەلبژارتیێ ئیراقێ هاتینە ژێگرتن و هەر ئێك ژ ئازاد حسێن و لەزگین حازم وەكو یاریزان و محەمەد محەمەد سالح وەكو دادڤان ژ پارێزگەها دهۆكێ دناڤ شاندێ هەلبژارتیێ ئیراقێ دا نە و ئەڤە دو رۆژە كەڤینە دناڤ هەڤڕكیێن قارەمانییا نێڤدەولەتی ل سەر ئاستێ ماستەرێ ئەوا دێ نیودلهی پایتەختێ هندستانێ مێڤاندارییا وێ دكەت كو دهێتە پێشبینیكرن رێژەیەكا گەلەك مەزن ژ هەلبژارتیێن جیهانێ پشكداریێ بكەن ئەوا دێ بۆ ماوەیێ حەفتیەكێ یا بەردەوامبیت.
ژلایەكێ دووڤە ناڤهاتی گۆت: بەرهەڤیێن وان د ئاستەكێ باش دا نە سەرباری ئەركێ وان بۆ دەستڤە ئینانا رێزێن پێشیێ دێ ب زەحمەت ژبەر هەبوونا باشترین هەلبژارتیێن جیهانێ لێ ئەو دێ شەرێ كەن هەتا دووماهی چركە و یا گرنگ بوو وان پشكدارییەكا سەرفەراز بیت و گۆت: سێ یاریزان دگەل دادڤانەكێ پارێزگەهێ دناڤ رێزێن هەلبژارتیێ ئیراقێ دا ب سانەهی نینە ژبەركو ڤاڤارتنێن بهێز دهاتنە كرن و ب هیڤییا وێ یەكێ بشێن ب گەهینە ئەوێ ئارمانجا مە دڤێت.
