دادگه‌هـ دو حه‌فتیا موله‌تێ دده‌ته جڤاتا سلێمانیێ
ئه‌ڤرۆ نیۆز:
دادگه‌ها كارگێرى یا هه‌رێما كوردستانێ ل پارێزگه‌ها شلێمانیێ دو حه‌فتى وه‌ك مۆله‌ت داینه جڤاتا پارێزگه‌ها سلێمانیێ بۆ ئێكلاكرنا پۆستێن پارێزگه‌هێ و بڕیارا لادانا روونشتنێن پارێزگه‌هێ ڤه‌كرى بمینن بۆ ده‌ستنیشانكرنا پارێزگه‌ر و سه‌رۆكێ جڤاتا پارێزگه‌هێ.
ژێده‌ره‌كێ ئگه‌هدار ل پارێزگه‌ها سلێمانیێ راگه‌هاند، دادگه‌ها كارگێرى پشته هنده‌ك سكالایان ژ داموده‌زگێن نه حوكومى هاتینه تۆماركرن بۆ ئێكلاكرنا كێشا ناڤبرى ئه‌و بڕیار دایه.
ناكۆكیێن دژوار د ناڤبه‌را هه‌ردو لیستێن گۆڕان و ئێكه‌تى نیشتیمانى كوردستان ل دۆر پۆستێن بلندێن پارێزگه‌هێ هه‌نه كو هه‌تا نها نه ب رێككه‌فتن و نه ب سازان نه‌گه‌هشتینه چو چاه‌ریان.
هه‌ژى كۆتنێ یه كو هه‌لبژارتنێن نیسانا بۆرى ئه‌نجامێن وێ سه‌ركه‌فتنا لیستا گۆڕان ب 12 كورسیان و ئێكه‌تى نیشتیمانى كوردستان ب 11 كورسیان بوو.
