دادگەها کامیرێ
شەمال ئاکرەیی
بەرییا ١٥ سالان، دەما ل زێڕینگرییەکێ وەک فرۆشکار کار دکر، پارچەیەکا زێڕی یا گەلەک ب بەها وندا بوو. گۆمانێن خودیێ زێڕینگریێ چوونە سەر ئارژەنی چونکی ئەو هەیامەک بوو د دەزگریێ دا بوو و هەردەم گازندەیا وی ئەو بوو، کو نەشێت وان زێڕین ژێ هاتینە داخوازکرن دابین بکەت.
پولیسان ئارژەن دەستەسەرکر و ل دادگەهێ ئارژەنی نەشییا بەرەڤانیێ ژ خۆ بکەت چونکی چ گرۆڤێن بێتاوانییا خۆ دەستبەر نەکرن؛ لەوڕا بەر ب زیندانێڤە هاتە هنارتن.
دزییەکا دی یا ب هەمان شێوە، پشتی ١٥ ساڵان رویدا، لێ گۆمانێن خودیێ زێڕینگریێ بۆ ئارژەنی دویێ نەچوون، ژبەر دادگەها کامیرێن چاڤدێریێ.
٢١ /٥ /٢٠٢٤
