داعشێ ل رۆژئاڤا هێرشی هێزێن ئەمریکا کر
ئەڤرۆ نیوز:
زەکەریا عەفرین چالاکڤانێ سڤیل ل رۆژئاڤایێ کوردستانێ بۆ ئەڤرۆ نیوز راگەهاند کو ئەڤرۆ کاروانەکێ هێزێن ئەمریکا و هێزێن سووریا دیموکرات ل نێزیکی باژێرێ حەسەکێ یێ رۆژئاڤایێ کوردستانێ بووینە ئارمانجا ترۆمبێلەکا بۆمبرێژکری یا تیرۆرستێن داعشێ و د ئەنجام دا ٥ شەرڤانێن هێزێن سووریا دیموکرات جانێ خوە ژ دەست داینە و دو سەربازێن ئەمریکی ژی بریندار بووینە.
ناڤهاتی راگەهاند کو هێزەکا مەزن یا سەربازی گەهشتینە جهێ روودانێ و دەست ب ڤەکۆلینان هاتیە کرن و بریندار ژی هەر زوو بۆ نەخوەشخانا باژێرێ حەسەکێ هاتینە رەوانەکرن.
هەژی ئاماژەپێدانێ یە کو پشتی بریارا ترامپی بۆ ڤەکێشانا هێزێن سەربازی یێن ئەمریکا ژ سووریێ ئەڤە هێرشا دویێ یا داعشێ یە ل دژی هێزێن ئەمریکا، د هێرشا منبجێ دا ژی چار سەربازێن ئەمریکا جانێ خوە ژ دەست دابوون.
