داعشێ 4 رۆژنامه‌ڤانێن كه‌نالێ سه‌ما مووسل كوشتن
ئه‌ڤرۆ نیۆز:
ل گۆڕ ده‌نگوباسێن مالپه‌رێ ئاژنسا ئیستقلال یا عیراقێ، ئه‌ڤرۆ چه‌كدارێن داعشێ 4 رۆژنامه‌ڤانێن خه‌لكێ باژێرێ مووسل ب توومه‌تا سیخوریێ بۆ هێزا شۆره‌شگێرێن مووسل كو ب ناڤێ ئه‌فسه‌رێن ئازاد دهێنه نیاسین و ڤێ داویێ كارێن كوشتن و ره‌ڤاندنێ دژى چه‌كدارێن داعشێ دكه‌ن هاتنه گونه‌هبار كرن.
ئه‌و چار رۆژنامه‌ڤان ل تاخێن سۆمه‌ر و میساق ل ناڤه‌ندا مووسل كو به‌رى نها د كه‌نالێ سه‌ما ئه‌لموسل یێ ئه‌سمانى كار دكرن، ئه‌وژى هه‌ردو برا (ئه‌حمه‌د رافع و ئیسار رافع و ئه‌ندازیا یاسر ئه‌لحه‌جاج ئه‌حمه‌د و وێنه‌گرێ رۆژنامه‌ڤانى یاسر ئه‌لقیسى و كارمه‌نده‌كێ كارگێرى یا كه‌نالێ ناڤبرى ژى هاتنه دسته‌سه‌كرن.
پشتى هینگى چه‌كدارێن داعشێ كوشتنا وان رۆژنامه‌ڤان راگه‌هاند، هه‌ژى گۆتنێ یه، به‌رى چه‌ند رۆژان رۆژنامه‌ڤانه‌كێ دى ب ناڤێ غه‌زروان ئه‌نس سێداره‌دان .
