داعش خه‌لكێ گوندێ فازلیه بخوه كرینه مه‌تالێ پاراستنێ
شێخان، بارزان سلێمان مزوورى:
ژێده‌ره‌ك ژ هێزێن پێشمه‌رگه‌ى ل میحوه‌رێ ناوه‌ران بۆ ئه‌ڤرۆ نیوز دیاركر، كو چه‌كدارێن تیرورستێن داعش ژ ترسا هێرشێن فرۆكێن هه‌ڤپه‌یمانان هێزێن خو ل ناڤ گوندێ فازلیه ئاسێ كرینه.
ژێده‌رى هه‌روه‌سا گۆت: گوندێ فازلیه خه‌لك تێدا هه‌یه له‌وما داعش خو ل ناڤا گوندى ئاسێ كریه، داكو فروكه گوندى بوردومان نه‌كه‌ت، ئانكو خه‌لكێ گوندى وه‌ك چه‌به‌ر بخوه بكارئینایه.
بۆ زانین گوندێ فازلیه سه‌ر ب ناحیا باشیك ڤه‌یه ئاكنجیین گوندى كوردێن شه‌به‌كن نیڤا خه‌لكێ گوندى گۆند چول نه‌كریه.
