دایکا من مەزنترین قوتابخانە یە بۆ من
سندس سالح سلێڤانەیی:
شێوەکارێ گەنج (شیروان حەسەن شاهین) د دیدارەکێ دا بۆ بەرپەرێ هونەری یێ ڕۆژناما ئەڤرۆ گۆت: من هەر ژ زارۆکینا خوە ئیلهام و حەزا وێنەکێشیێ هەبوو، دبیت ئەگەر بزڤریتە وی چەندێ کو ل دەوروبەرێن من هندە وێنەکێش هەبووینە. لێ قوتابخانا دروست دەیکا من بو و یا سرنج راکێش دەیکا من نەخواندەڤانە، لێ هەر ل زاروکینیێ ئەز ڕێخۆشکەر دکرم ب چێکرنا قافکێن گۆلا و یا دووێ مەتەکا من بو کو ژمن مەزنتر بوو گەلەک پشتەڤانیا من دکر بۆ چێکرنا وێنەیان. هەروەسا ناڤبری د بەردەوامیا ئاخفتنا خوە دا دیار کر کو جورێ وێنێن من وێنێن رەش و سپینە ئانکو ب پێنوسێ رساسی، بەلێ ئەڤە ژی پتر خواستیا خەلکی ل سەر هەبوو کو بەری شەش سالان من ل سوشیالێ بەلاڤکری و کو وێنا چێدکەم هەمبەر داهاتەکێ.
هەروەسا ناڤهاتی گۆت: پتریا ناڤەروکێن وێنێن من یێت کەسوکینە کو چێکرنا وێنێن مروڤانە بو دیاریا و بیرهاتنا، ب مخابنیڤە ل سەر دەمێ ئەم نوکە تێدا پێشانگەهـ ئەم دشێن بێژین هەر نینن، لێ ل بیرامنە ل سالێن (٩٦) و (٩٧) پێشانگەهـ هەبوون و پشکداری د پێشانگەها (یوبیلا زێرین) بووم ل سەر ئاستێ زارۆکان و دیسا بەرنامە هەبوون من لبیرە ل تەلەڤزیونا دایک کو نوکە دهۆک تیڤی یە پروگرامەک هەبوو ب ناڤێ (زارۆکێن بەهەرمەند) من پشکداری کربوو و تانوکە پشکداری گەلەک بەرناما بوویمە یێن هونەری.
شێوەکارێ گەنج د بەردەوامیا ئاخفتنا خوە دا گۆت: داهات تێرا هندێ ناکەن بژین ژیار ئان ژیان پێ برێڤە بچیت، تا رادەکێ باشە چونکی حەزا مرۆڤیە و ئەز دبینم خزمەتەکە مروڤ پێشکێش دکەت. من کەڤالێن خوە هەتا ب هزار دۆلاران فرۆتینە.
شیروان حەسەن شاهین دبێژیت هیڤیە بۆ بەرەبابێ نوی پتر پشتەڤانی هەبیت و گەلەک وەلات ب هونەری بۆ جیهانی هاتینە نیاسین و ئەز دبینم هونەرمەندین گەنج و خودان شیان گەلەک یێن هەین، چاڤدێری و پشتەڤانی بۆ بهێتە کرن دا کو هونەر نەمریت، ئانکو هەمی جورێن هونەری و تایبەت وێنەکێش.
