دخوازیت ئالایێ كوردستانێ دقاره‌مانیێن نێڤده‌وله‌تی دا بلند بكه‌ت
دهۆك، زنار تۆڤی:
له‌نیا فاخر، كو ژیێ وی هه‌شت سالن، ب بچووكترین كچا سوارچاك دهێته نیاسین، د دیداره‌كێ دا بۆ رۆژناما ئه‌ڤرۆ دبێژیت: ئه‌ڤه سێ سالن ئه‌ز ب نیشادانێن سه‌یر پشكداریێ دفیسته‌ڤال و هه‌ڤڕكیان دا دكه‌م و هیڤیا من ئه‌وه رۆژه‌ك بهێت ب ناڤێ كوردستانێ پشكداریێ دقاره‌مانیه‌كا نێڤده‌وله‌تی دا بكه‌م و ئالایێ كوردستانێ ل وێرێ بلند بكه‌م.
له‌نیا كو نوكه قوتابیه ل پولا سێیێ بنه‌ره‌ت ل قوتابخانا گوندێ ئێلینجاغ ل ده‌شتا هه‌ولێرێ، هێشتا گۆت: ئه‌ز خودانا هه‌سپه‌كێ گرانبهامه كو بۆ من ب دیاری هاتیه، باب و برا و خویشكه‌كا من ژی هه‌مان حه‌ز هه‌یه و ئه‌م ل گه‌ل رێكخراوه‌كا هه‌سپ سواریێ به‌رده‌وامیێ د ده‌ینه به‌هره‌یا خوه، و مالامه وه‌كو فێرگه‌هه‌كا هه‌سپ سواریێ لێ هاتیه، ئه‌ز ژی بۆ پێشخستنا هونه‌رێ هه‌سپ سواریێ سه‌ره‌دانا یانا هه‌ولێرێ یا هه‌سپ سواریێ دكه‌م ژبۆ هندێ دا فێرببمه بازدانێ، هه‌روه‌سا هه‌ر جاره‌كا داخوزا ماچه‌كێ ژ هه‌سپێ خوه بكه‌م ئه‌و خوه بۆ من دچه‌مینیت و ئه‌ز وی ماچی دكه‌م، ل دووف داخوازا وه‌زیرێ په‌روه‌ردێ من سه‌ره‌دانا وی كریه و نوكه وێنێ من دناڤ پرۆگرامێن پرتووكێن خواندنێ دا هاتیه دانان.
