دخوازیت ب رێكا مەدیایێ دەنگێ خەلكی بگەهینتە جیهانێ
دلڤین رەشید
مەدیاكار (شەمس مەتو خودێدا) د دیدارەكێ دا بۆ رۆژنامەیا ئەڤرۆ دیاركر كو ئەو خەلكا دەڤەرا شنگالێ یە ژ گوندێ خانە سورێ و ژیێ وێ (26) سالن، نوكە پەیامنێرا كەنالێ سەمایە و دخوازیت ب رێكا مەدیایێ دەنگێ خەلكێ خۆ بگەهینە جیهانێ و ڕۆلێ خۆ دپێشخستنا مەدیایا كوردی دا بگشتی و پرسێن ئێزدیان ب تایبەتی بگێڕیت.
ناڤهاتیێ گۆت: وەكو مەدیاكارەكا گەنج هیڤیا من ئەوە ببمە نموونە بۆ ژنێن گەنج یێن ئێزدی، ئەو ژنێن دڤین شیانێن خۆ دیار بكەن پشكداری ژیانا جفاكی ببن و ببنە دەنگێ راستەقینە دناڤ خەلكێ خۆ دا، ب تایبەت ژی دەڤەرا شنگالێ چونكو ئێك ژ ناوچەیێن گرنگە بۆ ئیزدیان و هاتنا من بۆ بۆارێ راگەهاندنێ دا ئەوە پەیاما خۆ وەك ئافرەتەك دیاربكەم و بێژمە جیهانێ هەموویێ راستە جینوسایدەكا مەزن ب سەرێ خەلكێ مە یێ بێ گونەه ل دەڤەرا شنگالێ هات و دناڤ ڤێ روودانا دل ب ئێش دا قوربانیا هەرە مەزن كەچ و ژنن بوون، لێ خۆ ڕاگریا مە وەك كچێن شنگالێ مەزنترین پەیامە بۆ دوژمان و دێ ب هێزەكا مەزنتر و ئیرادەكا ب هێزتر دێ د بەردەوام بین.
