دره‌خشان خالد: كاركرنا كچان د راگه‌هاندنێ دا ل ئاستێ پێدڤی نینه
دهۆك، نه‌وزاد هلۆری:
دره‌خشان خالد، په‌یامنێر ل كه‌نالێ دهۆك تیڤی و ئاژانسا خانی دیاركر، پشتی ئه‌و ل پشكا راگه‌هاندنێ ده‌رچویی حه‌زا وێ یا راگه‌هاندنێ پتر بوو و گۆت: هه‌ر تاكه‌كێ حه‌زا كاره‌كێ هه‌بیت دشێت وی كاری بكه‌ت نه ئیلا بسپۆری هه‌بیت، به‌لێ چه‌ند مرۆڤ خوه پێشبێخیت دێ شێت زێده‌تر شاره‌زایێ په‌یدا كه‌ت، من دڤێت بۆ جڤاكی دیار بكه‌م كو كچان ژی شیان هه‌نه مینا كوڕی كار بكه‌ت و پێدڤی یه ده‌لیڤه بۆ بهێته‌دان ب تایبه‌تی د راگه‌هاندنێ دا ژبه‌ركو د جڤاكێ مه دا زوو ب زوو رێ ب كچان ناهێته دان تێدا كار بكه‌ن ب تایبه‌تی كارێ په‌یامنێری ژبه‌ركو زۆر د كێمن.
زێده‌تر گۆت: هه‌ر چه‌نده هنده‌ك ده‌زگه‌ه گرنگی ب رۆخسارێ كچان دده‌ن، به‌لێ هه‌موو وه‌سا نینن و هه‌نه گرنگی ب كاری دده‌ن، زێده‌باری كو نوكه كاركرنا كچان ل راگه‌هاندنێ زێده‌بوویه، به‌لێ ل ئاستێ پێدڤی نینه، ئه‌ز ل ڤێره نا راوستم و دێ یا به‌رده‌وام بم.
