دلدار محه‌مه‌د
نانا وه‌فایێ
دیاری بۆ (قه‌هرۆ) ی
ئه‌وێ هه‌نێ لاپتۆپ كر بوو ته‌شی
و ته‌ڤنێ خه‌ونێن نانی ڕادچاندن
نهێنی یه نه‌بێژنه كه‌سێ
دو چركه‌یان به‌ری نها
ب دزیكی ڤه لاپتۆپا خۆ یا كریه سێل و
نانه‌كێ كه‌ل بۆ ئاكاری ل سه‌ر دپات
ژ نیشكان ڤه رۆندكان دیمه‌ن شێلی كرن
نان، ب په‌نجه‌ره‌یێن پرته‌قالی ڤه،
د كره تابلۆیێن گركا و
رۆندكێن چاڤێن
نه‌بوونێ
به‌رزه‌بونێ
پێ ڤه دمالین
دێ وه‌ره
ئه‌ڤرۆ
ئه‌و رۆندك یێن هیبووینه نان په‌حتنێ
مه ژ خه‌ما
ژ ئاریانێن بێده‌نگیێ
گه‌له‌ك نانێن قه‌لیایی په‌حتن
بانگێ تێریێ
د گوهێن برسێ دا هه‌لدێرا
دلێ من بۆ ته ل سه‌ر سێلا وه‌فایێ نانه و
یێ سه‌مایا قه‌لیانێ دكه‌ت
كه‌نگی دێ پرته‌كێ ژێ خۆی؟
ژ وێ نانا ب هه‌می ڤه تو.ش
