دلسوزیا شه‌هید فاخر به‌روارى دێ گه‌هیته كۆچكا شاهێ نه‌رویژ
ئه‌ڤرۆ نیۆز، سالار دۆسكى
بابێ دێركى وه‌لاتیه‌كێ باژێرێ دهۆكێ یه ژ سالا 1994 وه‌ره قه‌ستا ده‌رڤه‌ی وه‌لاتى كریه و ژ سالا 2005 وه‌ره ل وه‌لاتێ نه‌رویژه، دبیاڤێ راگه‌هاندنێ دا كار دكه‌ت، دیسا ناڤ و ده‌نگیه‌كا باش هه‌یه دتورێن جڤاكى دا، بوو مالپه‌رێ ئه‌ڤرۆ نیۆز دیاركر كو ژڤانا نامه‌كا ڤه‌كرى ب زمانێ نه‌رویژى ب رێیا مه‌زنترین رۆژناما وى وه‌لاتى بگه‌هینته شاهێ وه‌لاتى و دیسا حوكمه‌تا وى وه‌لاتى و داخازا خه‌لاتێ ئاشتیێ بۆ عه‌قید فه‌خرى به‌روارى دخوازیت كو كه‌سه‌كێ په‌ككه‌فتى بوویه و دخزمه‌تا مرۆڤاتیێ دابوویه هه‌تا هاتیه شه‌هیدكرن.
بابێ دێركى بۆ مالپه‌رێ ئه‌ڤرۆ نیوز گۆت: من نامه‌ك نڤیسى یه و دێ وه‌رگێرمه زمانێ نه‌رویژى و ب رێیا رۆژنامه‌كا نه‌رویژى و ئه‌ف نامه بۆ حوكمه‌ت و شاهێ نه‌رویژ هنێرم و پێشنیار كه‌م، كوعه‌قید شه‌هید فاخر به‌روارى بهێته خه‌لاتكرن ب خه‌لاتێ ئاشتیێ وه‌ك نوبل، چونكۆ فاخر مرۆڤه‌كێ په‌ككه‌فتى بوو یێ به‌رده‌وام بۆ ل سه‌ر كارێ خوه و خوه گورى وه‌لاتێ خوه كر و گورى ملله‌تێ خوه كر و پێدڤیه ئه‌م هاریكاریا وى بكه‌ین و ژبیر نه‌كه‌ین.
بابێ دێرى ب رێبا ماله‌پرێ ئه‌ڤرۆ نیۆز خواست ده‌نگ و ناما وى بهێته به‌لاڤه‌كرن و شه‌هید فاخر به‌روارى نه‌هێته ژبیركرن، بهیڤى یه رۆژێن بهێت ناما وى رۆژناما نه‌رویژى دا بهێته خوارێ.
