دلژار عەدنان: زێدەتر ژ ٨٠% بەرهەڤین بۆ وەرزێ نوو
عەلی حاجی :
د داخویانیەکێ دا ئەندامەکێ دەستەیا کارگێریا یانەیا زاخۆ بۆ رۆژنامەیا ئەڤرۆ دیار کر هەتا نوکە وان شیایە پتری ٨٠٪ تیمێ ئامادە بکەن و دێ هندەک گرێبەستێن نوو ژی هەبن.
زێدەتر دلژار عەدنان گۆت: هەتا نوکە ئەم ب دروستی یێ کار دکەین ژ بۆ ئینان و نووکرنا گرێبەستێن یاریزانان ژ بۆ وەرزێ نوو یێ خولا ستێرێن ئیراقێ یا فوتبۆلێ و بەردەوامین ل سەر پرکرنا کێماسی هەین، د نوکە دا ئەم هزر د ئینانا وان یاریزانان دا دکەین تایبەتی هێلا بەرەڤانیێ و ئەم د دانوستاندنێ داینە دگەل هژمارەکا یاریزانێن دیار و باش ل سەر ئاستێ ئیراقێ، بێگومان مە تیمەکا ژ هەژی و باش دڤێت پێخەمەت هەڤڕکیێ.
ناڤبری گۆت ژی: هەر یاریزانەکێ پەیوەندیێ پێ دکەین ئێکسەر نیازا خوە بۆ مە دیار دکەت و پەیوەندیێ ب یانەیێ بکەت، ئەم ل سەر ڕێیەکا دروست دچین و دێ مە تیمەکا ب هێز و هەڤرک هەبیت.
