ده‌زگرێ من سناپا ل گه‌ل هه‌ڤالا خوه دگریت
ئه‌ڤرۆ نيوز:
كچه‌كا 22 سالی دلێ خوه بو ئه‌ڤرۆ ڤه‌دكه‌ت و دبێژیت: من و گه‌نجه‌كێ 25 سالی بو ماوێ ساله‌كێ حه‌ز ژ ئێكدو دكر، پشتی هینگێ ئه‌م گه‌هشتینه ئێكدو نها د قوناغا ده‌زگریێ داینه، به‌لێ ئاریشا من ئه‌وه ده‌زگرێ من هه‌ڤاله‌كا كچ هه‌یه و پێش چاڤێت سناپا پێكڤه دگرن و دئیننه خوار، ده‌مێ ئه‌ز دبینم دلێ من دسوزیت و ئاگر به‌ر دبیتێ و نه‌شێم بێژمێ ب دلێ من نینه و بو من نه‌خوشه، هه‌رده‌مێ دبێژمێ ژی ده‌زگرێ من دبێژیت: دڤێت هه‌ر ژ ده‌ستپێكێ ته فێری ڤان تشتا بكه‌م و ئه‌ز ژی هه‌ر لدووڤ دچم و یا رازیمه، به‌س دا من نه‌هێلیت و بو خوه ببه‌ت، ژبه‌ركو خه‌لك دزانیت مه حه‌ز ژ ئێكدو دكر و ئه‌م د دزگریێ داینه، ئه‌ڤجا خو ئه‌و چ بكه‌ت ئه‌زا رازیمه، دزگرێ من ژی یێ پشتراسته له‌وا من ئستغلال دكه‌ت و ئاخفتنێن بێ بها دبێژیته من و رێزێ ل من ناگریت.
كچا عه‌زیز:
دڤێت هه‌ر ژ ده‌ستپێكێ تو سنوره‌كێ بو بدانی و بێژێ ب دلێ من نینه و ئه‌ز ژی كچم و خودان هه‌ستم و بو من نه‌خوشه و غیرێ وه‌ردگرم، ئه‌م دده‌زگریێ داینه و چێنابیت ئه‌ڤ كچه ل گه‌ل ته بیت، ژبه‌ركو جاران ئه‌ڤ جوره په‌یوه‌ندیه دبنه ئه‌گه‌رێ ئاریشان.
ده‌زگرێ ته دزانیت تو ب هه‌ر تشتی یا رازیی له‌وما رێزێ ل ته ناگریت، ئه‌ڤجا دڤێت تو حه‌ز ژ خوه و نه‌فسا خوه بكه‌ی و ڤی تشتی ژێ قه‌بیل نه‌كه‌ی كو هوسا ل گه‌ل ته باخڤیت و بێ رێزیێ ل هه‌مبه‌ر ته بكه‌ت و هه‌ستێن ته ب ئێشینیت، تو و نه‌فسا ته ب بهانه، دڤێت حه‌ز ژێكرنا ته و بو نه‌فسا ته ل گوپیتكێ بیت و خوه بێ بها نه‌بینه و بهایێ خوه بزانه.
خه‌لك چیه گرنگ ئه‌وه تو یا ئارام و به‌خته‌وه‌ر بی، كاره‌ساته مرۆڤ سه‌ر خاترا خه‌لكی شوو ب كه‌سه‌كی بكه‌ت كو حه‌ز ژ مرۆڤی نه‌كه‌ت یان ئاخفتنێن بێ بها بێژیته مرۆڤی و مرۆڤ بزانیت سه‌د ژ سه‌دێ پاشه‌روژا مرۆڤی ل گه‌ل وی مرنه، به‌س چونكی خه‌لكی زانیه مه حه‌ز ژ ئێكدو كریه، له‌وا دڤێت بگه‌هینه ئێكدو ئه‌ڤه شاشیه‌كا مه‌زنه.
به‌رسڤدان: ده‌روونناس ئاواز
گۆشا دلێ خۆ ڤه ل سه‌ر فه‌يسبۆكى
